കോഴിക്കോട് (വടകര ) : ( www.truevisionnews.com ) വടകരയിൽ നിർത്തിയിട്ട ഓട്ടോറിക്ഷയിൽ യുവാവിനെ മരിച്ച നിലയിൽ കണ്ടെത്തി. കണ്ണൂർ സ്വദേശി ഷാനിഫ്നിസിനെയാണ് ഓട്ടോറിക്ഷയിൽ മരിച്ചനിലയിൽ കണ്ടെത്തിയത് .
അമിതമായി ലഹരി കുത്തിവച്ചതിനെ തുടർന്നാണ് മരണമെന്നാണ് പോലീസ് നിഗമനം. മൃതദേഹത്തിന് സമീപത്തു നിന്ന് കുത്തിവെക്കാൻ ഉപയോഗിച്ചതെന്ന് കരുതുന്ന സിറിഞ്ച് കണ്ടെത്തി.
തലശ്ശേരി രെജിസ്ട്രേഷനുള്ള ഓട്ടോറിക്ഷയിലാണ് മൃതദേഹം കണ്ടെത്തിയത് . വടകര പോലീസ് സ്ഥലത്തെത്തി അന്വേഷണം ആരംഭിച്ചു.
കഴിഞ്ഞ ആഴ്ചയാണ് വടകര ഓർക്കാട്ടേരിക്കടുത്ത് രണ്ട് യുവാക്കൾ അമിത ;ലഹരി ഉപയോഗത്തെ തുടർന്ന് മരിച്ചത്.
ഇവിടെ നിന്ന് രക്ഷപ്പെട്ട യുവാവിനെ ചോദ്യം ചെയ്തപ്പോൾ വടകരയ്ക്കടുത്തെ കൈനാട്ടിയിലെ പ്രവാസി യുവാവിന്റെ മരണവും അമിത ലഹരി ഉപയോഗത്തെ തുടർന്നാണെന്ന് കണ്ടെത്തിയിരുന്നു.
സംഭവത്തിൽ ചിലരെ കസ്റ്റഡിയിൽ എടുക്കുകയും ചെയ്യ്തിരുന്നു.
#Another #death #Vadakara #Suspected #drugged #young #man #found #dead #autorickshaw
.jpeg)
