കണ്ണൂര്: ( www.truevisionnews.com ) പാനൂരിലെ ബോംബ് നിര്മാണത്തിനിടെയുണ്ടായ സ്ഫോടനത്തിലെ പ്രതികള്ക്ക് ജാമ്യം നല്കുന്നതിനെ എതിര്ത്ത് പൊലീസ്. പ്രതികള്ക്ക് ജാമ്യം നല്കരുതെന്നാണ് റിമാന്ഡ് റിപ്പോര്ട്ടിലുള്ളത്.
ലോക്സഭ തെരഞ്ഞെടുപ്പ് അടുത്തിരിക്കെ ജാമ്യം നൽകിയാൽ സംഘർഷ സാധ്യതയുണ്ടെന്നും മുൻകാലങ്ങളിൽ രാഷ്ട്രീയ സംഘർഷങ്ങൾ ഉണ്ടായ പ്രദേശത്ത് വീണ്ടും പ്രശ്നങ്ങൾക്ക് സാധ്യതയുണ്ടെന്നും പൊലീസ് പറയുന്നു. ജാമ്യം നല്കിയാല് പ്രതികള് തെളിവ് നശിപ്പിക്കാനിടയുണ്ടെന്നും റിമാൻഡ് റിപ്പോർട്ടിലുണ്ട്.
പിന്നിൽ ക്രിമിനൽ സംഘങ്ങൾ തമ്മിലുള്ള തർക്കമാണെന്നാണ് റിമാന്ഡ് റിപ്പോര്ട്ടിലും പൊലീസ് ആവര്ത്തിക്കുന്നത്.
ക്ഷേത്രോത്സവത്തിനിടെയുണ്ടായ സംഘർഷത്തിന് പിന്നാലെയാണ് ബോംബ് നിര്മിച്ചതെന്നും ഇരു ക്രിമിനൽ സംഘങ്ങളിലും സിപിഎം, ആർഎസ്എസ് അനുഭാവികളുണ്ടെന്നും റിമാന്ഡ് റിപ്പോര്ട്ടില് പറയുന്നു.
ബോംബ് നിര്മിക്കാൻ രാഷ്ട്രീയ പിന്തുണ ഇവർക്ക് കിട്ടിയോ എന്നറിയാൻ കൂടുതൽ അന്വേഷണം നടത്തണമെന്നും പൊലീസ് വ്യക്തമാക്കുന്നുണ്ട്.
#panoor #bomb #blast #case #police #against #giving #bail #accused #detailes #remand #report