(truevisionnews.com) ദിവസവും ഒരു നെല്ലിക്കയായാലോ ... ? നെല്ലിക്കയുടെ ഗുണങ്ങളെപറ്റിയറിയാം
ആദ്യം കയ്ക്കും പിന്നെ മധുരിക്കും എന്ന് പറയും പോലെ ഒട്ടേറെ ആരോഗ്യ ഗുണങ്ങൾക്കും ഔഷധ ഗുണങ്ങൾക്കും പേരു കേട്ടതാണ് നെല്ലിക്ക.വിറ്റാമിൻസി,ആന്റിഓക്സിഡന്റുകൾ, ഫൈറ്റോകെമിക്കലുകൾ എന്നിവയാൽ സമ്പന്നമാണിത്.ദിവസവും നെല്ലിക്ക കഴിച്ചാൽ ഒരുപാട് ആരോഗ്യ ഗുണങ്ങളുണ്ടെന്നാണ് പഠനങ്ങൾ പറയുന്നത്.
നെല്ലിക്കയുടെ പ്രദാന ഗുണങ്ങൾ
- വിറ്റാമിൻ സി വിറ്റാമിൻ സി യുടെ ഏറ്റവും സമ്പന്നമായ പ്രകൃതിദത്ത സ്രോതസ്സുകളിൽ ഒന്നാണ് നെല്ലിക്ക.വിറ്റാമിൻ സി രോഗപ്രതിരോധ ശേഷി വർധിപ്പിക്കുകയും ആരോഗ്യമുള്ള ചർമ്മത്തിനും സന്ധികൾക്കും കൊളാജൻ രൂപീകരണത്തിനും സഹായിക്കുകയും ശക്തമായ ആന്റിഓക്സിഡന്റായി പ്രവർത്തിക്കുകയും ചെയ്യുന്നു.
- നെല്ലിക്കയിൽ പോളിഫെനോൾസ്, ഫ്‌ലേവനോയ്ഡുകൾ, ടാന്നിൻസ് ആന്റിഓക്സിഡന്റുകൾ എന്നിവ അടങ്ങിയിട്ടുണ്ട്. ഇവയെല്ലാം ശരീരത്തിലെ ഹാനികരമായ ഫ്രീ റാഡിക്കലുകളെ നിർവീര്യമാക്കാൻ സഹായിക്കുന്നു.
- നെല്ലിക്ക പതിവായി കഴിക്കുന്നത് വിട്ടുമാറാത്ത രോഗങ്ങളുടെ സാധ്യത കുറയ്ക്കുകയും ദഹനവ്യവസ്ഥയ്ക്ക്ക് ഗുണം ചെയ്യുകയും മലബന്ധം തടയുകയും ചെയ്യുന്നു.
- പോഷകങ്ങളുടെ ആഗിരണത്തെ മെച്ചപ്പെടുത്തുന്നതോടൊപ്പം ദഹനക്കേട്, വയറുവീർക്കൽ എന്നിവ കുറക്കുകയും ചെയ്യും.
- നെല്ലിക്ക കഴിക്കുന്നത് കൊളസ്‌ട്രോൾ കുറയ്ക്കുകയും രക്തസമ്മർദം കുറയ്ക്കുകയും രക്തചംക്രമണം മെച്ചപ്പെടുത്തുകയും ചെയ്യുന്നു.
- നെല്ലിക്കയിലെ ആന്റിഓക്സിഡന്റും ആൻറി-ഇൻഫ്‌ലമേറ്ററി ഗുണങ്ങളും ധമനികളിൽ രക്തം കട്ടപിടിക്കുന്നത് തടയുകയും ഹൃദ്രോഗം, പക്ഷാഘാതം എന്നിവയ്ക്കുള്ള സാധ്യത കുറയ്ക്കാനും സഹായിക്കുമെന്ന് പഠനങ്ങൾ പറയുന്നു.
- പതിവായി നെല്ലിക്ക കഴിക്കുന്നത് രോമകൂപങ്ങളെ ശക്തിപ്പെടുത്തുകയും മുടികൊഴിച്ചിൽ കുറയ്ക്കുകയും മുടി വളർച്ചയെ പ്രോത്സാഹിപ്പിക്കുകയും ചെയ്യും.
- ഇതിന്റെ ആൻറി-ഇൻഫ്‌ലമേറ്ററി ഗുണങ്ങൾ ചർമ്മത്തിലെ പ്രശ്‌നങ്ങൾ തടയുകയും മുഖക്കുരു കുറയ്ക്കാനും സഹായിക്കും.
ഇത്രയേറെ ആരോഗ്യഗുണങ്ങളുണ്ടെങ്കിലും നെല്ലിക്കക്ക് പാർശ്വഫലങ്ങളുമുണ്ട് .
- അമിതമായ അളവിൽ നെല്ലിക്ക കഴിക്കുന്നത് മൂലം ചിലർക്ക് ദഹനസംബന്ധമായ അസ്വസ്ഥതകൾ, വയറിളക്കം, അലർജി പോലുള്ള പാർശ്വഫലങ്ങളും അനുഭവപ്പെടാൻ സാധ്യത ഉണ്ട്.
- അതുകൊണ്ടുതന്നെ നെല്ലിക്ക ദിവസവും കഴിക്കുന്നതിന് മുമ്പ് ഡോക്ടറുടെ ഉപദേശം തേടണം.ഡോക്ടറുടെ നിർദേശം സ്വീകരിച്ച ശേഷം മാത്രം നെല്ലിക്ക പതിവായി കഴിക്കാം.
#amla #health #Knowabout #benefitsofamla
