(truevisionnews.com) നിരവധി ആരോഗ്യ ഗുണങ്ങൾ അടങ്ങിയ ഒന്നാണ് ഉലുവ. ഫൈബർ ധാരാളം അടങ്ങിയ ഉലുവയിൽ ആൻറി ഓക്സിഡൻറുകൾ, വിറ്റാമിൻ എ, സി എന്നിവയൊക്കെ അടങ്ങിയിട്ടുണ്ട്. രാവിലെ വെറുംവയറ്റിൽ ഉലുവ കുതിർത്ത് വച്ച വെള്ളം കുടിക്കുന്നത് കൊണ്ട് നിരവധി ഗുണങ്ങളുണ്ട്. പ്രത്യേകിച്ച് രണ്ട് ജീവിതശൈലി രോഗങ്ങളെ നിയന്ത്രിക്കാൻ ഉലുവ വെള്ളം സഹായിക്കും. അവ എന്തൊക്കെയാണെന്ന് നോക്കാം...
കൊളസ്ട്രോൾ ഉലുവയിൽ ഫൈബറും ഫ്ലേവനോയ്‍ഡുകളും അടങ്ങിയിട്ടുണ്ട്. അതിനാൽ ഉലുവ കുതിർത്ത് വച്ച വെള്ളം കുടിക്കുന്നത് കൊളസ്ട്രോൾ കുറയ്ക്കാൻ സഹായിക്കും. ചീത്ത കൊളസ്ട്രോളായ എൽഡിഎൽ കൊളസ്ട്രോൾ കുറയ്ക്കാൻ മാത്രമല്ല, നല്ല കൊളസ്ട്രോളായ എച്ച്ഡിഎൽ കൊളസ്ട്രോൾ കൂട്ടാനും ഉലുവയിട്ട വെള്ളം സഹായിക്കും. ഹൃദയാരോഗ്യം സംരക്ഷിക്കാനും ഇവ ഗുണം ചെയ്യും.
പ്രമേഹം ഫൈബറിനാൽ സമ്പന്നമാണ് ഉലുവ. അതിനാൽ ഉലുവ ചൂടുവെള്ളത്തിലിട്ട് കുതിർത്തതിന് ശേഷം ആ വെള്ളം കുടിക്കുന്നത് ടൈപ്പ്-2 പ്രമേഹത്തെ നിയന്ത്രിക്കാനും സഹായിക്കും.
മറ്റ് ഗുണങ്ങൾ...
രാവിലെ വെറും വയറ്റിൽ ഉലുവ കുതിർത്ത വെള്ളം ഇളംചൂടോടു കൂടി കുടിക്കുന്നത് ദഹനം മെച്ചപ്പെടുത്താനും മലബന്ധം അകറ്റാനും സഹായിക്കും. അസിഡിറ്റി, വയർ വീർത്തിരിക്കുന്ന അവസ്ഥ തുടങ്ങിയവ അകറ്റാൻ ഇവ സഹായിക്കും. ആൻറി ഓക്സിഡൻറുകൾ ധാരാളം അടങ്ങിയ ഉലുവ വെള്ളം പതിവായി കുടിക്കുന്നത് രോഗപ്രതിരോധശേഷി വർധിപ്പിക്കാനും സഹായിക്കും.
ശരീരത്തിന്റെ ഉപാപചയ പ്രവർത്തനങ്ങൾ മെച്ചപ്പെടുത്തി, വയറിലെ കൊഴുപ്പിനെ പുറംതള്ളാനും വണ്ണം കുറയ്ക്കാനുമൊക്കെ ഇവ സഹായിക്കും. ആന്റിബാക്ടീരിയൽ, ആന്റി ഇൻഫ്ലമേറ്ററി ഗുണങ്ങൾ ഉള്ള ഉലുവ വെള്ളം കുടിക്കുന്നത് ചർമ്മത്തിൻറെയും തലമുടിയുടെയും ആരോഗ്യത്തിനും നല്ലതാണ്.
#Drink #fenugreek #soaked #water #empty #stomach #morning #These #two #diseases #kept #away
.jpeg)
