(truevisionnews.com) നമ്മുടെയൊക്കെ അടുക്കളകളിൽ വളരെ സുലഭമായി കാണുന്ന ഒന്നാണ് വെളുത്തുള്ളി. വിറ്റാമിൻ സി, കെ, ഫോളേറ്റ്, മാംഗനീസ്, സെലിനിയം, നാരുകൾ, ഇരുമ്പ്, കാത്സ്യം, ഫോസ്ഫറസ്, കോപ്പർ, പൊട്ടാസ്യം ഉൾപ്പെടെയുള്ള നിരവധി ആൻറി ഓക്സിഡൻറുകൾ വെളുത്തുള്ളിയിൽ അടങ്ങിയിട്ടുണ്ട്.
വയറിലെ കൊഴുപ്പ് കുറയ്ക്കാനും വണ്ണം കുറയ്ക്കാനും വെളുത്തുള്ളി ഡയറ്റിൽ ഉൾപ്പെടുത്തുന്നത് നല്ലതാണ്. ശരീരത്തിനാവശ്യമല്ലാത്ത കലോറികളെരിച്ച് കളയാൻ വെളുത്തുള്ളി സഹായിക്കും. വിശപ്പിനെ അടക്കിനിർത്താനുള്ള കഴിവും വെളുത്തുള്ളിക്കുണ്ട്. വിശപ്പ് അടക്കിനിർത്തുന്നതിലൂടെ അമിതമായി ഭക്ഷണം കഴിക്കുന്നത് തടയാനാകും.
അതുവഴി വണ്ണം കുറയ്ക്കാൻ സഹായിക്കും. ഇതിനായി രാവിലെ വെറും വയറ്റിൽ പച്ചയ്ക്ക് വെളുത്തുള്ളി കഴിക്കാം. രാവിലെ വെളുത്തുള്ളി- ലെമൺ ടീ കുടിക്കുന്നതും വണ്ണം കുറയ്ക്കാൻ സഹായിക്കും. ആൻറി ഓക്സിഡൻറുകൾ അടങ്ങിയ വെളുത്തുള്ളി രോഗപ്രതിരോധശേഷി വർധിപ്പിക്കാനും ഡയറ്റിൽ ഉൾപ്പെടുത്തുന്നത് നല്ലതാണ്.
തുമ്മൽ, ജലദോഷം, ചുമ എന്നിവയുടെ ലക്ഷണങ്ങളുടെ തീവ്രത കുറയ്ക്കാൻ വെളുത്തുള്ളിക്ക് കഴിയും. ശ്വാസകോശ സംബന്ധമായ വിഷമതകൾക്കും വെളുത്തുള്ളി ആശ്വാസമാകും. വെളുത്തുള്ളിയിലടങ്ങിയിരിക്കുന്ന ആൻറിബാക്ടീരിയൽ ഘടകങ്ങൾ ആണ് ഇതിന് സഹായിക്കുന്നത്.
ദഹനസംബന്ധമായ പ്രശ്നങ്ങൾ ഒഴിവാക്കാനും വെളുത്തുള്ളി സഹായിക്കും. വയറിലെ അണുബാധകൾ ചെറുക്കുന്നതിന് പച്ച വെളുത്തുള്ളി രാവിലെ കഴിക്കാം. വെളുത്തുള്ളി ദിവസവും കഴിക്കുന്നത് ഹൃദയത്തിൻറെ ആരോഗ്യത്തിനും നല്ലതാണ്. ഇത് രക്തസമ്മർദ്ദവും കൊളസ്ട്രോളും കുറയ്ക്കാൻ സഹായിക്കും. ഇതിന്റെ ഫലമായി ഹൃദയ സംബന്ധമായ അസുഖങ്ങൾ കുറയുന്നു.
#Eat #garlic #empty #stomach #morning #like #benefits #many