പേരാമ്പ്ര : (www.truevisionnews.com) കോഴിക്കോട് ജില്ലാ റവന്യൂ സ്കൂൾ കലോത്സവത്തിൽ ഹയർ സെക്കന്ററി വിഭാഗം നാടക മത്സരത്തിൽ കോക്കല്ലൂർ ഗവൺമെന്റ് ഹയർ സെക്കന്ററി സ്കൂൾ ഒന്നാം സ്ഥാനവും എ ഗ്രേഡും കരസ്ഥമാക്കി സംസ്ഥാന തലത്തിലേക്ക് അർഹത നേടി.
ഹയർസെക്കന്ററി വിഭാഗം നാടക മത്സരത്തിൽ ഇത് തുടർച്ചയായി എട്ടാം തവണയാണ് ഈ വിദ്യാലയം സംസ്ഥാന തലത്തിലേക്ക് മത്സരത്തിന് എത്തുന്നത്.
പ്രശസ്ത തിയേറ്റർ നാടക പ്രവർത്തകനായ എമിൽ മാധവിയുടെ 2021 ൽ കേരള സാഹിത്യ അക്കാദമി അവാർഡ് നേടിയ "കുമരു " എന്ന കൃതിയുടെ സ്വതന്ത്ര നാടക ആവിഷ്കാരമാണിത്.
കോക്കല്ലൂർ വിദ്യാലയത്തിലെ പൂർവ്വ വിദ്യാർത്ഥിയും നാടക പ്രവർത്തകനും അധ്യാപകനുമായ പി. എസ് നിവേദാണ് നാടകം സംവിധാനം ചെയ്തത്.
അഭിനയ. എസ്.കെ, യെദുകൃഷ്ണ റാം, റിയോണ. സി, നന്ദന. ഇ , രുദാജിത്ത് .ആർ, നിയ രഞ്ജിത്ത്, അനുനന്ദ് രാജ്, അനുദേവ്. വി.എസ്, ശിവേന്ദു.പി.എസ്, പ്രാർത്ഥന എസ് കൃഷ്ണ എന്നീ വിദ്യാർത്ഥികളാണ് ഈ നാടകത്തിൽ വ്യത്യസ്ത വേഷങ്ങൾ ചെയ്തത്.
ഇതേ നാടകത്തിൽ കുമരുവായി വേഷമിട്ട യെദു കൃഷ്ണ റാം മികച്ച നടനായി തെരഞ്ഞെടുക്കപ്പെട്ടു. മനുഷ്യന്റെ സ്വത്വത്തെ ചോദ്യം ചെയ്യപ്പെടുമ്പോൾ അവൻ അതിനെ എങ്ങിനെ അതിജീവിക്കുന്നുവെന്ന് മനോഹരമായി അവതരിപ്പിച്ച ഈ നാടകത്തിന് കലാ സംവിധാനം ഒരുക്കിയത് നിധീഷ് പൂക്കാടാണ്.
തുടർച്ചയായി എട്ടാം വർഷവും ജി. എച്ച്.എസ്.എസ് കോക്കല്ലൂരിന് വേണ്ടി നാടകമൊരുക്കുന്നത് ഈ വിദ്യാലയത്തിലെ നാടക പ്രേമികളായ അധ്യാപകരുടുയും പൂർവ്വ വിദ്യാർത്ഥികളുടെയും നാടക കൂട്ടായ്മയായ "മാവറിക്കസ് ക്രീയേറ്റീവ് കളക്റ്റീവ് കോക്കല്ലൂർ" എന്ന നാടക സംഘമാണ്.
കഴിഞ്ഞ സംസ്ഥാന സ്കൂൾ കലോത്സവത്തിൽ എ ഗ്രേഡ് നേടിയ "കലാസമിതി " എന്ന നാടകത്തിന്റെയും ഇപ്പോൾ സംസ്ഥാന തലത്തിലേക്ക് യോഗ്യത നേടിയ "കുമരു" നാടകത്തിന്റെയും ചുമതല വഹിക്കുന്നത് ഹയർ സെക്കന്ററി അധ്യാപകരായ രാമചന്ദ്രൻ കല്ലിടുക്കിൽ, മുഹമ്മദ് സി അച്ചിയത്ത് എന്നീ അധ്യാപകരാണ്.
നാട്ടുകാർ ചേർന്ന് തന്റെ സ്വത്വത്തെ ചോദ്യം ചെയ്യുമ്പോൾ അതിനെ അതിജീവിക്കുന്ന മനുഷ്യനായി മാറുകയാണ് കുമരു. കള്ളന്റെ മകനായി പിറന്നവനെ കള്ളനാക്കുവാനുള്ള പണികൾ ചെയ്യുന്ന നാട്ടുകാർ തന്നെ പിന്നീട് കുമരുവിനെ സത്യസന്ധനാക്കുന്നു.
ഒടുവിൽ പണക്കാരനായി മാറുന്ന കുമരു തന്റെ സുഹറയോടുള്ള പ്രണയം തന്നെയാണ് തന്റെ സ്വത്വം എന്ന് ഉറക്കെ പറയുന്നിടത്ത് നാടകം അവസാനിക്കുന്നു.
കാണികളിലേക്ക് സുഹറയുടെ അത്തറിന്റെ ഗന്ധം പോലും എത്തിച്ചു കുമരു എന്ന നാടകം കോഴിക്കോട്ടെ നാടക പ്രേമികൾക്ക് ഒരു പുതിയ അനുഭവമായി മാറി സുഹറയുടെ ഖൽബ് കട്ട കള്ളൻ നാടകാസ്വാദകരുടെ ഖൽബും കട്ടു എന്നത് ശ്രദ്ധേയമാണ്.
#KozhikodeRevenueDistrictKalolsavam2023 #1stplace #Kokkallur #HigherSecondaryDrama #YaduKrishnaRam #BestActor
.jpeg)
.jpeg)
.jpeg)
.jpeg)
