#T20 | ക്രിക്കറ്റ് ലോകത്ത് ചരിത്ര നിമിഷം; ട്വന്റി 20 ലോകകപ്പിന് യോഗ്യത നേടി ഉ​ഗാണ്ട

വിൻഡ്ഹോക്ക് : (www.truevisionnews.com) ക്രിക്കറ്റ് ലോകത്ത് ചരിത്രം സൃഷ്ടിച്ച് ഉ​ഗാണ്ട. വെസ്റ്റ് ഇൻഡീസിലും അമേരിക്കയിലുമായി 2024ൽ നടക്കുന്ന ട്വന്റി 20 ലോകകപ്പിന് ഉ​ഗാണ്ട യോഗ്യത നേടി. ഇന്ന് നടന്ന മത്സരത്തിൽ റുവാണ്ടയെ ഒമ്പത് വിക്കറ്റിന് തകർത്താണ് ഉ​ഗാണ്ട ചരിത്രം കുറിച്ചത്.

Also read: വാങ്ങിക്കൂട്ടേണ്ട, ഇന്ധനക്ഷാമമില്ല! പമ്പുകളിൽ അനാവശ്യമായ തിരക്ക് ഒഴിവാക്കണം -ഇന്ത്യൻ ഓയിൽ കോർപ്പറേഷൻ

നമീബിയ ആണ് ആഫ്രിക്കയിൽ നിന്ന് ലോകകപ്പിനെത്തുന്ന മറ്റൊരു ടീം. സിംബാബ്‌വെയ്ക്ക് ലോകകപ്പ് യോ​ഗ്യത നേടാൻ കഴിഞ്ഞില്ല.

അടുത്ത വർഷം ജൂൺ നാല് മുതൽ 30 വരെയാണ് ട്വന്റി 20 ലോകകപ്പ് നടക്കുക. ചരിത്രത്തിൽ ആദ്യമായി ഇത്തവണത്തെ ലോകകപ്പിന് 20 ടീമുകളാണ് പങ്കെടുക്കുന്നത്.

Also read: പാകിസ്ഥാന് കനത്ത തിരിച്ചടി, സിന്ധു നദീജല ഉടമ്പടി റദ്ദാക്കിയ ഇന്ത്യൻ നടപടിയിൽ ഇടപെടില്ലെന്ന് ലോകബാങ്ക്

ആദ്യ റൗണ്ടിൽ അഞ്ച് ടീമുകൾ വീതമുള്ള നാല് ​ഗ്രൂപ്പുകളിലായി മത്സരം നടക്കും. ഓരോ ​ഗ്രൂപ്പിലെയും ആദ്യ രണ്ട് ടീമുകൾ സൂപ്പർ എട്ടിന് യോ​ഗ്യത നേടും.

സൂപ്പർ എട്ടിൽ നാല് ടീമുകൾ വീതമുള്ള രണ്ട് ​ഗ്രൂപ്പുകളാണ് ഉണ്ടാകുക. ​ഗ്രൂപ്പിൽ ആദ്യ രണ്ട് സ്ഥാനത്ത് എത്തുന്ന ടീമുകൾ സെമി ഫൈനലിന് യോഗ്യത നേടും. പിന്നീട് സെമി ഫൈനൽ, ഫൈനൽ മത്സരങ്ങളും നടക്കും.

Also read: അതീവ ജാഗ്രത, ഇന്ത്യാ-പാക് സംഘർഷം; 20 മിനിറ്റോളം ദില്ലിയിലെ വിവിധ ഇടങ്ങളിൽ സൈറൺ പരീക്ഷണം നടത്തും

ലോകകപ്പിന് യോ​ഗ്യത നേടിയ ടീമുകൾ : അമേരിക്ക, വെസ്റ്റ് ഇൻഡീസ്, ഓസ്ട്രേലിയ, ഇം​ഗ്ലണ്ട്, ഇന്ത്യ, നെതർലൻഡ്സ്, ന്യുസീലൻഡ്, പാകിസ്താൻ, ദക്ഷിണാഫ്രിക്ക, ശ്രീലങ്ക, അഫ്ഗാനിസ്ഥാൻ, ബം​ഗ്ലാദേശ്, അയർലൻഡ്, സ്കോട്ലാൻഡ്, പാപ്പുവ ന്യൂ ​​ഗിനിയ, കാനഡ, ഒമാൻ, നേപ്പാൾ, നമീബിയ, ഉ​ഗാണ്ട.

#T20 #Historic #Moment #CricketWorld #Uganda #qualified #Twenty20 #WorldCup