കോട്ടയം : കുട്ടികളെ മദ്യപിക്കാന് പ്രേരിപ്പിച്ച പിതാവ് അറസ്റ്റില്. മണര്കാട് പോലീസ് സ്റ്റേഷന് പരിധിയിലാണ് സംഭവം റിപ്പോര്ട്ട് ചെയ്തത്. മക്കളായ കൊച്ചു കുട്ടികളെ മദ്യപിക്കാന് പ്രേരിപ്പിച്ച കുറ്റത്തിനാണ് പിതാവ് അറസ്റ്റിലായത്.
വടവാതൂര് തേവര്ക്കുന്ന് അമ്ബലത്തിന് സമീപം പാറക്കപറമ്ബില് വീട്ടില് കുട്ടപ്പന്റെ മകന് അരുണ്കുമാര് (36) നെയാണ് മണര്കാട് പോലീസ് അറസ്റ്റ് ചെയ്തത്.
ഇയാള് സ്ഥിരമായി മദ്യപിച്ച് വീട്ടില് വന്ന് വഴക്കുണ്ടാക്കുമായിരുന്നു. മദ്യപിക്കാന് ഷാപ്പില് പോകുമ്ബോള് കുട്ടികളെ ബലമായി കൂട്ടിക്കൊണ്ടു പോയിരുന്നുവെന്ന് പരാതിക്കാരിയായ അമ്മ പൊലീസില് മൊഴിയില് നല്കി.
സംഭവത്തില് മണര്കാട് പോലീസ് കേസ് രജിസ്റ്റര് ചെയ്ത് തുടര്ന്ന് നടപടി സ്വീകരിച്ചത്. ഇത് കൂടാതെ ഇയാള് വീട്ടില് ഇരുന്ന് മദ്യപിക്കുന്ന സമയത്ത് കുട്ടികളെ നിര്ബന്ധിച്ച് മദ്യപിക്കാന് പ്രേരിപ്പിക്കുകയുമായിരുന്നു.
ഇത് ചോദ്യം ചെയ്ത അമ്മയെ ഇയാള് കാപ്പിവടി കൊണ്ട് അടിച്ച് പരിക്കേല്പ്പിക്കുകയും ചെയ്തു. ഈ സംഭവം ഉണ്ടായതിനെ തുടര്ന്നാണ് ഇയാളുടെ ഭാര്യ മണര്കാട് പോലീസ് സ്റ്റേഷനില് പരാതിപ്പെട്ടത്.
പോലീസ് കേസ് രജിസ്റ്റര് ചെയ്ത് പ്രതിയെ കസ്റ്റഡിയില് എടുത്തു. മണര്കാട് എസ്.എച്ച്.ഓ അനില് ജോര്ജ്, എസ്.ഐ ഷമീര്ഖാന് പി.എ, സി.പി.ഓ മാരായ ഹരികുമാര്, സുബിന് പി. എസ് എന്നിവര് ചേര്ന്നാണ് അറസ്റ്റ് ചെയ്തത്. പ്രതിയെ കോടതിയില് ഹാജരാക്കി.
Father arrested for forcing children to drink