---
title: "ഗർഭിണിയുമായി ആശുപത്രിയിലേക്ക് പോകവേ അപകടം; നിയന്ത്രണംവിട്ട ആംബുലൻസ് വാഹനങ്ങളിൽ ഇടിച്ചു "
english_title: "Accident while going to hospital with pregnant woman; Ambulance loses control and crashes into vehicles"
publisher: "truevisionnews.com"
canonical_url: "https://truevisionnews.com/news/300923/accident-while-going-to-hospital-with-pregnant-woman-ambulance-loses-control-and-crashes-into-vehicles"
published_at: "2025-07-06T17:13:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/686a61c7cb507_2.jpg"
keywords: []
---

# ഗർഭിണിയുമായി ആശുപത്രിയിലേക്ക് പോകവേ അപകടം; നിയന്ത്രണംവിട്ട ആംബുലൻസ് വാഹനങ്ങളിൽ ഇടിച്ചു 

> **Lead Summary:** **തിരുവനന്തപുരം: **തിരുവനന്തപുരത്ത് ​ഗർഭിണിയുമായി പോയ ആംബുലൻസ് നിയന്ത്രണംനഷ്ടപ്പെട്ട് അപകടത്തിൽപ്പെട്ടു. കാര്യവട്ടം അമ്പലത്തിങ്കരയിലാണ് സംഭവം. കടയ്ക്കാവൂരിൽനിന്ന് എസ്എടി ആശുപത്രിയിലേക്ക് ​ഗർഭിണിയുമായി പോയ ആംബുലൻസാണ് നിയന്ത്രണംവിട്ട് രണ്ടുവാഹനങ്ങളിൽ ഇടിച്ചത്. 

## Article Content

**തിരുവനന്തപുരം: **തിരുവനന്തപുരത്ത് ​ഗർഭിണിയുമായി പോയ ആംബുലൻസ് നിയന്ത്രണംനഷ്ടപ്പെട്ട് അപകടത്തിൽപ്പെട്ടു. കാര്യവട്ടം അമ്പലത്തിങ്കരയിലാണ് സംഭവം. കടയ്ക്കാവൂരിൽനിന്ന് എസ്എടി ആശുപത്രിയിലേക്ക് ​ഗർഭിണിയുമായി പോയ ആംബുലൻസാണ് നിയന്ത്രണംവിട്ട് രണ്ടുവാഹനങ്ങളിൽ ഇടിച്ചത്. 

ആംബുലൻസിന്റെ മുന്നിൽപോയ കാർ വലത്തോട്ട് പെട്ടെന്ന് തിരിഞ്ഞതാണ് അപകടത്തിന് കാരണമായതെന്നാണ് പ്രാഥമിക നി​ഗമനം. മുന്നിലെ കാറിലിടിച്ച ആംബുലൻസ് നിയന്ത്രണംവിട്ട് വീടിന്റെ മുന്നിൽ പാർക്ക് ചെയ്തിരുന്ന മറ്റൊരു കാറിൽ ഇടിച്ചാണ് നിന്നത്.

അപകടത്തെ തുടർന്ന് ​ഗർഭിണിയായ യുവതിയെ മറ്റൊരു ആംബുലൻസിൽ കയറ്റിവിട്ടു. ആംബുലൻസിലുണ്ടായിരുന്നവർക്ക് ചെറിയ പരിക്കുകളെ ഉള്ളൂവെന്നാണ് വിവരം. കഴക്കൂട്ടം പോലീസ് സംഭവസ്ഥലത്തെത്തി.

### Related Links & Sources
- [Original Story Source](https://truevisionnews.com/news/300923/accident-while-going-to-hospital-with-pregnant-woman-ambulance-loses-control-and-crashes-into-vehicles)