(truevisionnews.com) തമിഴ്‌നാട്ടില്‍ വീണ്ടും ദുരഭിമാനക്കൊല. ചെന്നൈയിലെ കടലൂര്‍ ചിദംബരത്ത് ദലിത് യുവാവിനെ പ്രണയിച്ചതിന് 26കാരിയെ പിതാവ് കഴുത്തറുത്തുകൊന്നു.കടലൂര്‍ ചിദംബരത്ത് മടപ്പുറം സ്വദേശി അബിതയാണ് കൊല്ലപ്പെട്ടത്.സംഭവത്തില്‍ പിതാവിന്റെ അറസ്റ്റ് പോലീസ് രേഖപ്പെടുത്തി. പിതാവ് എതിര്‍ത്തിട്ടും പെണ്‍കുട്ടി യുവാവുമായി ബന്ധം തുടര്‍ന്നതാണ് കൊലപാതകത്തില്‍ കലാശിച്ചത്.
പെണ്‍കുട്ടിയും പിതാവും തമ്മില്‍ വിവാഹത്തെ ചൊല്ലി വാക്കുതര്‍ക്കമുണ്ടാകുകയും തര്‍ക്കം മൂര്‍ച്ഛിച്ചതോടെ പ്രതിയായ അര്‍ജുനന്‍ പെണ്‍കുട്ടിയെ കത്തി ഉപയോഗിച്ച് കഴുത്തറുത്ത് കൊലപ്പെടുത്തുകയായിരുന്നു. മദ്യലഹരിയിലിരിക്കുമ്പോഴാണ് പ്രതി കൃത്യം നടത്തിയത്.സംഭവശേഷം ഇയാള്‍ പോലീസ് സ്‌റ്റേഷനില്‍ എത്തി കീഴടങ്ങുകയായിരുന്നു.
Father slits throat 26 year old woman who fell love with Dalit youth
