കോഴിക്കോട് : (truevisionnews.com) കോഴിക്കോട് മേയ്ത്ര ഹോസ്പിറ്റലിനെതിരെ രാജ്യദ്രോഹ കുറ്റത്തിന് കേസ് എടുത്ത് എലത്തൂർ പൊലീസ്. കശ്മീരില്ലാത്ത ഭൂപടം ഡോക്യുമെന്‍ററിയിൽ ഉപയോഗിച്ചതിനാണ് കേസ് എടുത്തത്.
ഡോക്യുമെന്‍ററിയിൽ ഇന്ത്യയുടെ ഐക്യത്തിനും അഖണ്ഡതയ്ക്കും പരമാധികാരത്തെയും അപകടപ്പെടുത്തുന്ന വിധം ഇന്ത്യയുടെ ഭൂപടം വികലമാക്കി ചിത്രീകരിക്കുകയും രാജ്യത്ത് മനഃപൂർവ്വം ലഹള ഉണ്ടാക്കണമെന്ന ഉദ്ദേശത്തോടെ പ്രചരിപ്പിക്കുകയുമായിരുന്നുവെന്നാണ് പരാതി. ഡോക്യുമെന്‍ററി സോഷ്യൽ മീഡിയ വഴി കാണാൻ ഇടയായ മായംങ്ങോട്ട് ചാലിൽ പെരുവയൽ എം സി ഷാജി എലത്തൂർ പോലീസ് സ്റ്റേഷനിൽ നൽകിയ പരാതിയിലാണ് കേസ് .
.gif)
ഭാരതീയ ന്യായ സംഹിത, 152 , 192 ,3 (5 ) വകുപ്പുകൾ ചേർത്തതാണ് കേസ് എടുത്തിരിക്കുന്നത്. 0516 എഫ് ഐ ആർ പ്രകാരമാണ് കേസെടുത്തിരിക്കുന്നത് . സംഭവത്തിൽ എലത്തൂർ ഇൻസ്‌പെക്ടർ രഞ്ജിത്ത് കെ ആറിന്റെ നേതൃത്വത്തിൽ അന്വേഷണം ആരംഭിച്ചു .
Documentary shows map without Kashmir Case filed against Kozhikode Maitra Hospital sedition
