ബീഫിനെ ഒഴിവാക്കേണ്ട..! ഇരിട്ടിയിൽ അന്യായമായി വർധിപ്പിച്ച വില കുറപ്പിച്ച് ഡിവൈഎഫ്ഐ

കണ്ണൂർ : ( www.truevisionnews.com ) ഇരിട്ടി മേഖലയിൽ അന്യായമായി വർധിപ്പിച്ച ബീഫിന്റെ വില ഡിവൈഎഫ്ഐയുടെ ഇടപെടലിലൂടെ കുറയ്ക്കാൻ തീരുമാനമായി. 380 രൂപക്ക് നല്കിയിരുന്ന ബീഫിന്റെ വില 440 ഉം 460 ഉം രൂപയായി വ്യാപാരികൾ വർധിപ്പിച്ചിരുന്നു. തുടർന്ന് ഡിവൈഎഫ്ഐ ഇരിട്ടി ബ്ലോക്ക് കമ്മിറ്റിയുടെ നേതൃത്വത്തിൽ പ്രതിഷേധിക്കുകയും അന്യായമായി വർധിപ്പിച്ച നിരക്ക് കുറയ്ക്കണമെന്ന് ആവശ്യപ്പെടുകയും ചെയ്തു.

മീറ്റ് വർക്കേഴ്സ് യൂണിയൻ പ്രതിനിധികളും ബീഫ് വ്യാപാരികളും ഡിവൈഎഫ്ഐയുമായി നടത്തിയ ചർച്ചയിൽ ബീഫിൻ്റെ വർധിപ്പിച്ച വില പിൻവലിച്ച് പഴയ വിലയായ 380 രൂപയിൽ തന്നെ വില്ക്കാമെന്ന് തീരുമാനമാവുകയായിരുന്നു.

Also read: 'ഒരു കയ്യബ്ബദ്ധം, നാറ്റിക്കരുത്'; ക്ഷേത്രത്തിനുള്ളിൽ സ്വർണം മോഷ്ടിക്കാനെത്തിയ കള്ളൻ ഉറങ്ങിപ്പോയി, കയ്യോടെ പിടികൂടി നാട്ടുകാർ

ചർച്ചയിൽ ഡി വൈ എഫ് ഐ ഇരിട്ടി ബ്ലോക്ക് സെക്രട്ടറി സിദ്ധാർത്ഥ് ദാസ്, പ്രസിഡണ്ട് പി വി ബിനോയ്, ട്രഷർ കെ കെ സനീഷ്, വൈസ് പ്രസിഡണ്ട് എം നിഖിലേഷ്, മീറ്റ് വർക്കേഴ്‌സ് യൂണിയൻ സംസ്ഥാന ജില്ല ഭാരവാഹികളായ വി പി റഷീദ്, വി കെ സി മജീദ്, ഷിജു ഉളിക്കൽ, ജലീൽ മഹീഷത്ത്, മുനീർ പി, മമ്മാലി വളവുപാറ എന്നിവർ പങ്കെടുത്തു.

DYFI protests unfairly increased beef prices Iritti