( www.truevisionnews.com ) സിസിടിവി ദൃശ്യങ്ങളില്‍ പതിയാതെ മോഷണം നടത്തുന്ന രണ്ട് അംഗ സംഘം പൊലീസ് പിടിയില്‍. തമിഴ്‌നാട് സ്വദേശികളായ പ്രതികള്‍ ക്ഷേത്രങ്ങള്‍ കേന്ദ്രീകരിച്ചാണ് മോഷണം നടത്തുന്നത്. കേരളത്തിലും തമിഴ്‌നാട്ടിലുമായി നിരവധി കേസുകളാണ് ഈ മോഷണ സംഘത്തിനെതിരെ ഉള്ളത്.
തമിഴ്‌നാട് സ്വദേശികളായ ജൂലി, ചക്കമ്മാള്‍, എന്നിവരാണ് അറസ്റ്റിലായത്. മലയാലപ്പുഴ ദേവി ക്ഷേത്രത്തില്‍ നടത്തിയ മോഷണ കേസിലാണ് അറസ്റ്റ്. വെട്ടിപ്രം സ്വദേശിനി സുധാ ശശിയുടെ അഞ്ചു പവന്റ മാലയാണ് ഇവര്‍ കവര്‍ന്നത്. തമിഴ്‌നാട്ടില്‍ നിന്നും വന്ന മൂന്നുപേര്‍ അടങ്ങുന്ന സംഘമാണ് ക്ഷേത്രത്തിനുള്ളില്‍ വെച്ച് തന്ത്രപരമായി മാല മോഷ്ടിച്ചത്.
.gif)
സിസിടിവി ദൃശ്യങ്ങളില്‍ പതിയാതെ മോഷണം നടത്താനും പരിശീലനം നേടിയ കൊടും കുറ്റവാളികളാണ് അറസ്റ്റിലായത്. തമിഴ്‌നാട്ടില്‍ നിന്നാണ് പത്തനംതിട്ട പൊലീസ് പ്രതികളെ പിടികൂടിയത്. മറ്റൊരു പ്രതിയായ രതി വഞ്ചിയൂര്‍ പൊലീസ് രജിസ്റ്റര്‍ ചെയ്ത കേസില്‍ റിമാന്‍ഡിലാണ്.
Special training avoid being caught CCTV Thefts concentrated temples young women arrested
.jpg)
