കോഴിക്കോട്: (truevisionnews.com) നാദാപുരത്ത് അമ്മയുടെ കൈയ്യിലിരുന്ന കുഞ്ഞിന്റെ കഴുത്തില്‍നിന്ന് സ്വർണമാല മോഷ്ടിച്ച യുവതിക്കായി അന്വേഷണം ഊർജിതം . കഴിഞ്ഞ ദിവസം നാദാപുരത്താണ് സംഭവം.
ബസ് സ്റ്റാന്റിലെ ബുക്ക് സ്റ്റാളിലെത്തിയ നാദാപുരം ചാലപ്പുറം സ്വദേശിയായ യുവതിയുടെ കുട്ടിയുടെ മാലയാണ് മോഷ്ടിക്കപ്പെട്ടത്. ഒരു പവന്‍ തൂക്കം വരുന്നതാണ് മാല. നീല ചുരിദാറും വെള്ള ഷാളും ധരിച്ച യുവതിയാണ് അമ്മക്ക് പിന്നാലെ നടന്ന് കുട്ടിയുടെ കഴുത്തിലെ സ്വര്‍ണമാല തന്ത്രപരമായി പൊട്ടിച്ചെടുത്തത്.
.gif)
യുവതിയുടെ കൈയ്യിലിരുന്ന കുഞ്ഞിന്റെ കഴുത്തിൽനിന്ന് മാല മോഷ്ടിക്കുന്നതിന്‍റെ സിസി ടിവി ദൃശ്യങ്ങൾ പുറത്തുവന്നിട്ടുണ്ട്. ഇരുവശത്തേക്കും നോക്കിയ ശേഷം മാല മോഷ്ടിക്കുന്നതും സിസിടിവിയിൽ കാണാം. വൈകിട്ട് അഞ്ചു മണിയോടെ കടയിൽ തിരക്കേറിയ സമയത്താണ് മോഷണമുണ്ടായത്. യുവതിയുടെ പരാതിയില്‍ നാദാപുരം പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Search underway woman who broke baby's necklace mother's arms Nadapuram
