കനത്ത മഴയ്ക്ക് തൽക്കാലം വിശ്രമം;​​ ഒറ്റപ്പെട്ട മഴ തുടരും, നാളെ രണ്ടു ജില്ലകളിൽ യെല്ലോ അലർട്ട്

തിരുവനന്തപുരം: (truevisionnews.com) സംസ്ഥാനത്ത്​ ഏതാനും ദിവസങ്ങളായി വ്യാപക നാശം വിതച്ച കാറ്റിനും കനത്ത മഴക്കും നേരിയ ശമനം. ഞായറാഴ്ച പൊതുവെ മഴ മാറി നിന്ന അന്തരീക്ഷമായിരുന്നു. അതേസമയം മഴ സാധ്യതയുള്ളതിനാൽ തിങ്കളാഴ്ച കണ്ണൂർ, കാസർകോട്​ ജില്ലകളിൽ കേന്ദ്ര കാലാവസ്​ഥ വകുപ്പ്​ മഞ്ഞ അലർട്ട്​ പ്രഖ്യാപിച്ചു. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കാവുന്ന ഒറ്റപ്പെട്ട ശക്തമായ മഴക്കുള്ള സാധ്യതയാണ്​ ഈ ജില്ലകളിൽ​.

ചൊവ്വാഴ്ച കോഴിക്കോട്, വയനാട്, കണ്ണൂർ, കാസർകോട്​ ജില്ലകളിലും മഞ്ഞ അലർട്ട്​ പ്രഖ്യാപിച്ചിട്ടുണ്ട്​. തിങ്കളാഴ്ച തെക്കുപടിഞ്ഞാറൻ അറബിക്കടൽ, മധ്യ പടിഞ്ഞാറൻ അറബിക്കടൽ, വടക്കൻ ഗുജറാത്ത് തീരം, വടക്കുകിഴക്കൻ അറബിക്കടൽ എന്നിവിടങ്ങളിൽ ശക്തമായ കാറ്റിന്​ സാധ്യതയുള്ളതിനാൽ മത്സ്യത്തൊഴിലാളികൾ ശ്രദ്ധിക്കണമെന്ന്​ കലാവസ്ഥ വകുപ്പ്​ അറിയിച്ചു.

Also read: ഇങ്ങനെയുമുണ്ടോ കൊച്ചുമകൻ? മുത്തശ്ശിയെ കൊലപ്പെടുത്താൻ ശ്രമിച്ച ശേഷം കഴുത്തിലെ സ്വർണമാല കവർന്നു, കൊച്ചുമകൻ അറസ്റ്റിൽ

അതേസമയം കാലവർഷം ദുർബലമായത്​ മഴക്കെടുതികൾ അനുഭവിച്ചിരുന്ന മേഖലകളിൽ ജനങ്ങൾക്ക്​ ആശ്വാസമായി.​ വെള്ളക്കെട്ടുണ്ടായിരുന്ന പല ​​​​​പ്രദേശങ്ങളും സാധാരണ നിലയിലേക്കെത്തി. ദുരിതാ​ശ്വാസ ക്യാമ്പുകളിലേക്ക്​ മാറിയിരുന്നവരിൽ പലരും വീടുകളിലേക്ക്​ മടങ്ങി. 

Heavy rains resume now isolated rains continue yellow alert two districts tomorrow