ജി​ല്ലാ ആ​ശു​പ​ത്രി സെ​ല്ലി​ൽ സഹോദരങ്ങളുടെ തമ്മിലടി; പൊ​ലീ​സി​ന് നേരെയും കൈ​യേ​റ്റം

കാ​ഞ്ഞ​ങ്ങാ​ട്:  (truevisionnews.com) പൊ​ലീ​സ് സം​ഘ​ത്തെ ആ​ക്ര​മി​ച്ച് സഹോദരങ്ങൾ. റി​മാ​ൻ​ഡി​ലാ​യി പൊ​ലീ​സ് കാ​വ​ലി​ൽ ജി​ല്ല ആ​ശു​പ​ത്രി​യി​ലെ സെ​ല്ലി​ൽ ക​ഴി​യു​ന്ന സ​ഹോ​ദ​ര​ങ്ങ​ളാണ് പൊ​ലീ​സി​നെ ആ​ക്ര​മി​ച്ചത്. ഇരുവരും സെ​ല്ലി​ന​ക​ത്ത് പ​ര​സ്പ​രം ഏ​റ്റു​മു​ട്ടു​ന്ന​ത് ത​ട​യാ​ൻ ചെ​ന്ന​പ്പോ​ഴാ​ണ് സം​ഭ​വം.

പ്രി​സ​ൺ ഗാ​ർ​ഡ് ഡ്യൂ​ട്ടി​യി​ലു​ള്ള സി​വി​ൽ പൊ​ലീ​സ് ഓ​ഫി​സ​റും ബ​ന്ത​ടു​ക്ക സ്വ​ദേ​ശി​യു​മാ​യ ടി.​കെ. പ്ര​ശാ​ന്തി​നെ​യാ​ണ് ത​ള്ളി​യി​ട്ട​ത്. സം​ഭ​വ​വു​മാ​യി ബ​ന്ധ​പ്പെ​ട്ട് പ​ന​ത്ത​ടി ചാ​മു​ണ്ഡി​ക്കു​ന്ന് ശി​വ​പു​ര​ത്തെ പ്ര​മോ​ദ്, സ​ഹോ​ദ​ര​ൻ പ്ര​ദീ​പ് എ​ന്നി​വ​ർ​ക്കെ​തി​രെ ഹോ​സ്ദു​ർ​ഗ് പൊ​ലീ​സ് കേ​സെ​ടു​ത്തു.

Also read: സിഗററ്റ് കൊണ്ട് പൊള്ളിച്ചു, ഓട്ടിസം ബാധിച്ച സഹോദരന്‍മാരെ ക്രൂരബലാല്‍സംഗത്തിനിരയാക്കി; ബോർഡിങ് സ്കൂളിലെ ജീവനക്കാരൻ അറസ്റ്റിൽ

ശ​നി​യാ​ഴ്ച രാ​വി​ലെ 11.45നാ​ണ് സം​ഭ​വം. ക​ഴി​ഞ്ഞ​ദി​വ​സം ശി​വ​പു​ര​ത്തു​വെ​ച്ച് രാ​ജ​പു​രം എ​സ്.​ഐ ഉ​ൾ​പ്പെ​ടെ പൊ​ലീ​സു​കാ​രെ ആ​ക്ര​മി​ച്ച സം​ഭ​വ​ത്തി​ൽ റി​മാ​ൻ​ഡി​ൽ ക​ഴി​യു​ക​യാ​ണ് ഇ​രു​വ​രും. വീ​ട്ടി​ൽ പ​ര​സ്പ​രം ഏ​റ്റു​മു​ട്ടി​യ​തി​ലാ​ണ് ഇ​രു​വ​ർ​ക്കും പ​രി​ക്കു​പ​റ്റി​യ​ത്. ഇ​ത​റി​ഞ്ഞാ​യി​രു​ന്നു പൊ​ലീ​സ് വീ​ട്ടി​ലെ​ത്തി​യ​ത്. പ്ര​മോ​ദി​നെ​തി​രെ പൊ​ലീ​സി​നെ ആ​ക്ര​മി​ച്ച​തി​ന് അ​ഞ്ചു കേ​സ് ഉ​ൾ​പ്പെ​ടെ ഏ​ഴ് കേ​സു​ക​ളു​ണ്ട്.

Brothers attack police