സ്കൂൾ വിദ്യാർത്ഥികൾക്ക് മദ്യം നൽകാൻ ശ്രമിച്ച സംഭവം; അധ്യാപകന് സസ്പെന്ഷൻ

ഭോപ്പാൽ : (truevisionnews.com)  സ്കൂൾ വിദ്യാർത്ഥികൾക്ക് മദ്യം നൽകാൻ ശ്രമിച്ച അധ്യാപകനെതിരെ നടപടി. കുട്ടികളെ മുന്നിലിരുത്തി മദ്യപിക്കാൻ ആവശ്യപ്പെടുന്ന വീഡിയോ സോഷ്യൽ മീഡിയയിൽ പ്രചരിച്ചതിന് പിന്നാലെ സർക്കാർ സ്കൂൾ അധ്യാപകനെ സസ്പെന്റ് ചെയ്തു.

Also read: വടകരയിൽ കിണറ്റിൽ വീണ് അഞ്ചുവയസുകാരന് ദാരുണാന്ത്യം, കൂടെ വീണ മറ്റൊരു കുട്ടി അത്ഭുതകരമായി രക്ഷപ്പെട്ടു

മധ്യപ്രദേശിലെ കാറ്റ്നി ജില്ലയിലെ ഖിർഹാനി ഗ്രാമത്തിലെ സർക്കാർ പ്രൈമറി സ്കൂളിലെ അധ്യാപകനായ ലാൽ നവീൻ പ്രതാപ് സിംഗിനെതിരെയാണ് നടപടിയെടുത്തത്.

കഴിഞ്ഞ വെള്ളിയാഴ്ച മുതലാണ് സോഷ്യൽ മീഡിയയിൽ വീഡിയോ പ്രചരിച്ചത്. ഇത് ശ്രദ്ധയിൽപ്പെട്ട ജില്ലാ കളക്ടർ ദിലീപ് കുമാർ യാദവ് അധ്യാപകനെതിരെ നടപടിയെടുക്കാൻ ജില്ലാ വിദ്യാഭ്യാസ ഓഫീസറോട് ആവശ്യപ്പെടുകയായിരുന്നു.

Also read: കോന്നി ആനക്കൂട്ടിൽ കോൺക്രീറ്റ് തൂൺ വീണ് നാല് വയസ്സുകാരൻ മരിച്ച സംഭവം; ജീവനക്കാർക്ക് സസ്‌പെൻഷൻ

ഒരു മുറിയിൽ നിന്നുള്ള വീഡിയോയിൽ ആൺകുട്ടികളെ മുന്നിലിരുത്തി, കപ്പുകളിൽ മദ്യമൊഴിക്കുന്നത് കാണാം, ശേഷം കുടിക്കുന്നതിന് മുമ്പ് വെള്ളം കലർത്തണമെന്നും കുട്ടികളോട് അധ്യാപകൻ പറയുന്നതും കേൾക്കാം. സമൂഹമാധ്യമങ്ങളിൽ പ്രചരിച്ച വീഡിയോക്കെതിരെ വലിയ വിമർശനം ഇതിനോടകം ഉയർന്നിട്ടുണ്ട്.

#Action #taken #teacher #serve #alcohol #school #students.