ഓരോ ചുവടും താങ്ങായി; നിറഞ്ഞു കവിഞ്ഞ് കൊച്ചി, മുന്നേറി കേരളം കണ്ട ഏറ്റവും വലിയ വോക്കത്തോൺ

കൊച്ചി : (www.truevisionnews.com) ആരോഗ്യത്തിനും സന്തോഷത്തിനും വേണ്ടി എല്ലാ ദിവസവും ഒരുമിച്ചു നടക്കുവാൻ ഒരു മനസ്സോടെ ഉണർന്നുയർന്ന ആവേശത്തോടെ നടന്നു മുന്നേറിയ കേരളത്തിലെ ഏറ്റവും വലിയ വോക്കത്തോൺ ജനബാഹുല്യം കൊണ്ട് ശ്രദ്ധേയമായി. കേരളത്തിലെ ഏറ്റവും വലിയ വോക്കിങ് കമ്മ്യൂണിറ്റിയായ വാക്‌രോയാണ് ഈ മെഗാ ഇവൻ്റ് സംഘടിപ്പിച്ചത്.

Also read: നിലമ്പൂർ ഉപതെരഞ്ഞെടുപ്പ്; സിപിഎം വലിയ വോട്ടിന് തോൽക്കുമെന്ന് അവർക്ക് തന്നെ ഉറപ്പാണ്, സ്ഥാനാർഥി പോലും ആയിട്ടില്ല' -പി.വി അൻവർ

ഏതാണ്ട് 5200-ഓളം പേരാണ് ആരോഗ്യ ത്തിൻ്റെ ചുവടുകൾക്കപ്പുറം ചലനപരിമിതിയുള്ളവർക്ക് പിന്തുണ നൽകുക എന്ന വലിയ ലക്ഷ്യത്തിനായി ഒരുമിച്ചു നടന്നത്. ഞായറാഴ്‌ച അതിരാവിലെ 5:30-ന് ആരംഭിച്ച പരിപാടിയിൽ പങ്കെടുത്തവരാൽ മറൈൻ ഡ്രൈവ് ഗ്രൗണ്ട് അക്ഷരാർത്ഥത്തിൽ നിറഞ്ഞു കവിഞ്ഞു.

Also read: കുടുംബത്തോടൊപ്പം വിനോദയാത്ര പോയ പത്തുവയസുകാരി ദേഹാസ്വാസ്ഥ്യത്തെ തുടർന്ന് മരിച്ചു

കൊച്ചിയുടെ ചരിത്രത്തിൽ ഇടംപിടിച്ച ഈ മെഗാ ഇവൻറിൽ All Kerala Amputee Association പ്രതിനിധികളുടെ സാന്നിദ്ധ്യം ഏറെ ശ്രദ്ധേയമായി. മറൈൻ ഡ്രൈവിൽ നിന്നാരംഭിച്ച് ക്വീൻസ് വോക് വേയിലൂടെ ഐ ലവ് കൊച്ചി വരെയെത്തി തിരികെ മറൈൻ ഡ്രൈവ് ഗ്രൗണ്ടിൽ സമാപിച്ച ജനറൽ കാറ്റഗറിയിലെ 5 കിലോമീറ്റർ നടത്തം എറ ണാകുളം ക്രൈംബ്രാഞ്ച് റിട്ട. ഡി.വൈ.എസ്.പി വൈ. ആർ. റെസ്റ്റം ഫ്ളാഗ് ഓഫ് ചെയ്തു.

വാക്കറു മാനേജിംഗ് ഡയറക്‌ടർ വി. നൗഷാദ്, കെ.എസ്.എസ്.ഐ.എ സംസ്ഥാന വൈസ് പ്രസിഡന്റ് പി.ജെ. ജോസ്, TIE കേരള മുൻ പ്രസിഡൻ്റ് അജിത് മൂപ്പൻ എന്നിവർ പങ്കടുത്തു. സീനിയർ സിറ്റിസൺസ് പങ്കെടുത്ത മൂന്ന് കിലോമീറ്റർ നടത്തം മറൈൻ ഡ്രൈവിൽ നിന്നും ക്വീൻസ് വോക്‌വേയിലെ പേൾ ഓഫ് കൊച്ചി വരെയെത്തി അവിടെ നിന്നും തിരികെ മറൈൻ ഡ്രൈവിൽ എത്തിച്ചേർന്നു.

Also read: വീടിനുമുന്നിൽ മദ്യപാനം; കസ്റ്റഡിയിലെടുത്തവരെ പോലീസിനെ ആക്രമിച്ച് രക്ഷപ്പെടുത്തി; പത്ത് പേർക്കെതിരെ കേസെടുത്ത് പൊലീസ്

വാക്കറു ഡയറക്‌ടർ ശശി ഫ്ളാഗ് ഓഫ് ചെയ്തു. തുടർന്ന് നടന്ന ചടങ്ങിൽ ചലനപരിമിതിയുള്ളവർക്ക് കരുത്തുറ്റ പിന്തുണ നൽകുവാൻ എറണാകുളം ജനറൽ ഹോസ്‌പിറ്റലിലെ പ്രോസ്‌തെറ്റിക് ഡിപ്പാർട്ട്‌മെൻ്റിനായി സമാഹരിച്ച ഈ പരി പാടിയുടെ രജിസ്ട്രേഷൻ തുക വാക്കറു മാനേജിംഗ് ഡയറക്‌ടർ വി. നൗഷാദ് എറണാകുളം ജന റൽ ഹോസ്‌പിറ്റൽ സുപ്രണ്ട് ഡോ. ഷഹീർഷ ആർ.-ന കൈമാറി.

എറണാകുളം ക്രൈംബ്രാഞ്ച് റിട്ട. ഡി.വൈ.എസ്.പി വൈ. ആർ. റെസ്റ്റം, വാക്‌കരോ കമ്മ്യൂണിറ്റി അംഗങ്ങൾ, ആലുവ NAD സി.ജി. എം. ബി. പി. സിംഗ്, ജോമി ജോസഫ്, സനൽ, മുർഷാദ്, കെ.എസ്.എസ്.ഐ.എ എറണാകുളം ജില്ലാ സെക്രട്ടറി അനീസ്, അനീഷ ചെറിയാൻ തുടങ്ങിയവർ ചടങ്ങിൽ പങ്കെടുത്തു.

Also read: ‘എന്റെ മുന്നിലിട്ടാണ് കൊന്നത്’: അച്ഛനെ കോടാലിക്കു വെട്ടിക്കൊന്ന കേസിൽ അമ്മയ്‌ക്കെതിരെ മൊഴി നൽകി മകൻ

ഇൻഡ്യയിലെ പ്രമുഖ ഫുട്‌വെയർ ബ്രാൻഡായ വാക്കറുവായിരുന്നു ഈ മെഗാ ഇവന്റിന്റെ ടൈറ്റിൽ സ്പോൺസർ. അസോസിയേറ്റ് ‌സ്പോൺസർ TIE കേരളയും മെഡിക്കൽ പാർട്‌ണർ ഇടപ്പള്ളി ഫ്യൂച്ചറേസ് ഹോസ്‌പിറ്റലും ഫിസിയോ പാർട്‌ണർ WohlPhysio-യും ഈ വോക്കത്തോ ണിന്റെ ഭാഗമായി. Bollyfit ആയിരുന്നു ഇവൻ്റിലെ വാം-അപ് പാർട്ണർ.

നടത്തത്തെ സ്നേഹിക്കുകയും സമുഹത്തിന് നന്മ ചെയ്യാൻ ആഗ്രഹിക്കുകയും ചെയ്യുന്നവർ നിരവധിയായി നമ്മുടെ സമൂഹത്തിലുണ്ടെന്ന് ഈ മെഗാ ഇവൻ്റ് തെളിയിച്ചതായി സംഘാടകർ പറഞ്ഞു.

ഓരോ ചുവടുവെക്കുമ്പോഴും ചലനപരിമിതിയുള്ള മറ്റൊരാളെ സഹായിക്കാൻ സാധിക്കും എന്നത് സമൂഹത്തിന വലിയ സന്ദേശം നൽകുവാൻ സഹായിച്ചു. വലിയ ലക്ഷ്യങ്ങളുമായി നല്ല നാളെയിലേക്കുള്ള നടത്തം അനസ്യൂതം തുടരുമെന്നും അവർ കൂട്ടിച്ചേർത്തു.

https://youtube.com/shorts/FuHq06xsx6o?si=2AGbcqbo8YWpLGQM 

#Every #step #support #Kochi #overflowed #Kerala #moved #ahead #biggest #Walkathon #seen