വടകര : (truevisionnews.com) കല്ലേരിയിൽ ഭർതൃമതിയായ യുവതിയെ വീടിനുള്ളിൽ മരിച്ച നിലയിൽ കണ്ടെത്തി .കല്ലേരി പൂവാട്ടുംപാറ വെങ്കലുള്ള പറമ്പത്ത് ശ്യാമിനിയാണ് മരിച്ചത് .
കഴിഞ്ഞ ദിവസം രാത്രി 7 : 30 ടെയാണ് സംഭവം .കണ്ണൂർ സ്വദേശിനിയാണ് ശ്യാമിനി . കല്ലേരിയിലെ ഭർതൃവീട്ടിലെ കിടപ്പ് മുറിയിലാണ് യുവതിയെ മരിച്ച നിലയിൽ കണ്ടെത്തിയത് . സന്ധ്യയോടെ യുവതിയെ വിളിച്ചിട്ട് അനക്കമില്ലെന്ന് ഭർത്താവ് ജിതിൻ ആണ് വീട്ടുകാരെയും മറ്റും അറിയിച്ചത് .
തുടർന്ന് വില്യാപ്പള്ളിയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചിരുന്നു . വർക്ക് ഷോപ്പിലെ മെക്കാനിക്ക് ജീവനക്കാരനാണ് ജിതിൻ . കഴിഞ്ഞ രണ്ട് മൂന്ന് ദിവസങ്ങളിൽ ഇരുവരും വീട്ടിൽ ഉണ്ടായിരുന്നില്ല .
തിരിച്ച് വീട്ടിൽ എത്തിയതിന് പിന്നാലെയാണ് സന്ധ്യയോടെ യുവതിയെ വിളിച്ചിട്ട് അനക്കമില്ലെന്ന് ഭർത്താവ് അറിയിക്കുന്നത് . യുവതിയുടെ മൃതദേഹം വടകര ജില്ലാ ആശുപത്രി മോർച്ചറിയിലേക്ക് മാറ്റി . സംഭവത്തിൽ വടകര പോലീസ് കേസെടുത്ത് അന്വേഷണം ആരംഭിച്ചു . നാല് വയസ്സുകാരൻ ദ്രുവരക്ഷ് ആണ് മകൻ .
#married #woman #found #dead #inside #her #house #Vadakara #Kalleri
.jpeg)
