കോട്ടയം: (www.truevisionnews.com) വൈക്കത്ത് സ്കൂൾ ബസ് ഇടിച്ചു സൈക്കിൾ യാത്രികനായ വയോധികൻ മരിച്ചു. ഇന്നു വൈകീട്ട് 5 മണിയോടെയാണ് അപകടം നടന്നത്. വൈക്കം തെക്കേനട തോട്ടുവക്കം പാണ്ടിയാംപറമ്പിൽ സി.കെ. വിശ്വൻ (70) ആണ് മരിച്ചത്.
വൈക്കം അമ്പലത്തിനു സമീപത്തെ ബന്ധുവീട്ടിൽ നിന്നും തോട്ടുവക്കത്തെ വീട്ടിലേക്ക് മടങ്ങുന്നതിനിടെ സ്കൂൾ ബസ് വയോധികനെ ഇടിക്കുകയായിരുന്നു. സ്കൂൾ ബസും സൈക്കിളും ഒരേ ദിശയിൽ ആയിരുന്നുവെന്നു പൊലീസ് പറഞ്ഞു.
.gif)
ബസ് ഇടിച്ചതോടെ റോഡിന്റെ വശത്തേക്കു മറിഞ്ഞ വിശ്വന്റെ തലയ്ക്ക് ഗുരുതര പരുക്കേറ്റിരുന്നു. ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം വൈക്കം താലൂക്ക് ആശുപത്രി മോർച്ചറിയിലേക്ക് മാറ്റി.
സംഭവത്തിൽ ബസ് ഡ്രൈവറെ പൊലീസ് കസ്റ്റഡിയിൽ എടുത്തു. ഇയാളെ വൈദ്യപരിശോധനയ്ക്കു വിധേയനാക്കി. കുറവിലങ്ങാട് ഡീപോൾ സ്കൂളിന്റ ബസാണു വയോധികനെ ഇടിച്ചതെന്നു പൊലീസ് അറിയിച്ചു. അപകടം ഉണ്ടാക്കിയ ബസും പൊലീസ് കസ്റ്റഡിയിൽ എടുത്തിട്ടുണ്ട്.
#Vaikkom #SchoolBus #Hits #Elderly #Accident #returning #home #bicycle
