കോഴിക്കോട് : ( www.truevisionnews.com ) നൃത്ത വേദിയിൽ ചോര പടർന്നിട്ടും അവർ പിൻ മാറിയില്ല . വാൾമുനകൊണ്ട് സംഘ നൃത്തത്തിനിടയിൽ വിദ്യാർത്ഥിനിക്ക് മുറുവേറ്റു. കോഴിക്കോട് ജില്ലാ കലോത്സവത്തിനിടയിൽ ആണ് അപകടം
വേദിയിൽ നൃത്തം കളിയ്ക്കുന്നതിനിടയിൽ കൂടെ കളിച്ച കുട്ടിയുടെ കൈയിലുണ്ടായിരുന്ന വാൾ ചുണ്ടിൽ തട്ടിയാണ് കുട്ടിയ്ക്ക് പരിക്ക് പറ്റിയത്.
നടക്കാവ് വൊക്കേഷണൽ ഹയർ സെക്കണ്ടറി സ്കൂളിലെ ഒൻപതാം ക്ലാസ് വിദ്യാർത്ഥിനിയായ തീർത്ഥ (14)നാണ് പരിക്കേറ്റത്. കളിയ്ക്കുന്നതിനിടയിൽ സഹപാഠിയുടെ വാളിൽ നിന്ന് മുറിവേറ്റെങ്കിലും അവർ നൃത്തം തുടർന്നു.
ക്രിസ്ത്യൻ കോളജ് ഗ്രൗണ്ടിലെ വേദി ഒന്നിൽ ഹൈസ്കൂൾ വിഭാഗം സംഘം നൃത്തം കളിയ്ക്കുന്നതിനിടയിലാണ് അപകടം. കുട്ടിയെ ആബുലൻസിൽ കോഴിക്കോട് ബീച്ച് ആശുപത്രിയിലേക്ക് മാറ്റി. പരിക്ക് ഗുരുതരമല്ലെന്ന് സ്കൂൾ അധികൃതർ പറഞ്ഞു.
#Student #injured #during #group #dance #Kalolsava #venue #Kozhikode
