കോഴിക്കോട്: (truevisionnews.com) റവന്യു ജില്ലാ കലോത്സവത്തിൽ ഇത്രത്തോളം നിറഞ്ഞ സദസ്സ് വേറെ ഉണ്ടോ എന്നതിൽ സംശയമാണ്.
എട്ടാം വേദിയായ പ്രൊവിഡൻസ് സ്കൂളിലെ ഹാളിൽ അരങ്ങേറിയ എച്ച് എസ് വിഭാഗത്തിന്റെ കോൽക്കളി കാണാനാണ് ഈ സദസ്സ് അത്രയും നിറഞ്ഞത്.
ആരായാലും നോക്കി നിന്ന് പോവുന്ന തരത്തിലുള്ള ചുവടുകളും കോലുകൾ തമ്മിൽ കൂട്ടി മുട്ടുന്ന ശബ്ദവുമാണ് കോൽക്കളിയിൽ സദസിനെ ആവേശത്തിലാക്കിയത്.
വെള്ള ബനിയനും കള്ളി മുണ്ടും അരയിൽ കെട്ടിയ ബെൽറ്റും കൈയിൽ പിടിച്ച കോലും കൊണ്ട് അരങ്ങു തകർക്കുകയാണ് അവർ.
നിറഞ്ഞ സദസ്സ് വലിയ ആരവത്തോടു കൂടിയാണ് അവർക്ക് പ്രോത്സാഹനം നൽകുന്നത്.
#Kolkali #audience #after #filling #people
