കോഴിക്കോട്: (truevisionnews.com) അതിഥികളെ സ്വീകരിക്കുന്നതിൽ കോഴിക്കോടിൻ്റെ പേരും പെരുമയ്ക്കും ഒട്ടും കുറവ് വരുത്തുവാൻ കലോത്സവ ഭക്ഷണ കമ്മറ്റിയും ഒരുക്കമല്ല.
ജില്ലാ സ്കൂൾ കലോത്സവത്തിൻ്റെ രണ്ടാം നാൾ ഭക്ഷണം ഒരുക്കിയത് പതിനായിരം പേർക്ക് . "ലേശം ചോറെടുക്കട്ടെ മോരും കൂട്ടി ........ " ഏവരുടെയും മനസിൽ പതിഞ്ഞ കല്യാണരാമൻ സിനിമയിലെ ദേഹണ്യക്കാരൻ ഇന്നസെൻ്റിൻ്റെ കാഥാ പാത്രം മുതൽ അഞ്ഞൂറാൻ വരെ ഭക്ഷണത്തിൻ്റെ രുചി പെരുമ അറിയാൻ എത്തുന്നവർക്ക് മുമ്പിൽ ചിരി വിളമ്പുന്നുണ്ട്.
മാനഞ്ചിറക്കടുത്തെ മോഡൽ ഹയർ സെക്കണ്ടറി സ്കൂളിലാണ് ഭക്ഷണം ഒരുക്കിയത്. എട്ട് കൗണ്ടറുകളിലായാണ് ഭക്ഷണം വിളമ്പിയത്.
അധ്യാപിക സംഘടനയായ കെ.പി എസ്ടിഎയ്ക്കാണ് ഭക്ഷണ ചുമതല. ഇന്ന് രാത്രിയും രണ്ടായിരം പേർക്ക് ഭക്ഷണം വിതരണം ചെയ്യും. സ്വാദിഷ്ടമായ വെജിറ്റേറിയൻ വിഭവങ്ങളാണ് ആകർഷകത. ഭക്ഷണ പുരയിൽ അഭിപ്രായാം അറിയിക്കാനുള്ള ഇടവും ഒരുക്കിയിട്ടുണ്ട്.
#food #committee #full #hearts #stomachs #served #ten #thousand #people #today
