പാലക്കാട് : (truevisionnews.com) ബിജെപി വിട്ട് കോൺഗ്രസിൽ അംഗത്വമെടുത്ത സന്ദീപ് വാര്യരെ കുറിച്ച് ചാനൽ ചര്‍ച്ചകളിലെ സ്ഥിരം 'എതിരാളി'യായിരുന്ന ജ്യോതികുമാർ ചാമക്കാല.
സന്ദീപ് സ്വന്തം പാർട്ടിയിൽ എത്തിയപ്പോളും 'നല്ലൊരു എതിരാളിയെ നഷ്ടമായി' എന്നാണ് ചാമക്കാല പറയുന്നത്.
ചാനൽ ചര്‍ച്ചകളിലെ ബിജെപിയുടെ സ്ഥിരം പ്രതിനിധിയായിരുന്ന സന്ദീപ് വാര്യരോട് ച‍ർച്ചകൾക്കിടെ രൂക്ഷമായി വഴക്കിട്ടിട്ടുണ്ട്.
പക്ഷേ പിണക്കമില്ല. നല്ലൊരു എതിരാളിയെ നഷ്ടമായ സങ്കടം മാത്രമേ ഉളളുവെന്നും ജ്യോതികുമാർ ചാമക്കാല പ്രതികരിച്ചു.
സന്ദീപ് കോൺഗ്രസ് അംഗത്വമെടുത്തതിന് ശേഷം, ചാനൽ ചർച്ചയ്ക്കിടെ 'നീ ആരാടാ' എന്ന് പറഞ്ഞ് ഇരുവരും വഴക്കുകൂടുന്ന വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.
ഇതിനേക്കുറിച്ചുളള ചോദ്യത്തിന് 'അതിനേക്കാൾ രൂക്ഷമായി വഴക്കിട്ടിട്ടുണ്ടെന്നായിരുന്നു ചാമക്കാലയുടെ മറുപടി.
കോൺഗ്രസിലെത്തിയ സന്ദീപിന് കൈ കൊടുത്തുവെന്നും സന്തോഷത്തോടെ ഒന്നിച്ചു പ്രവർത്തിക്കും എന്നും ജ്യോതികുമാർ കൂട്ടിച്ചേര്‍ത്തു.
#Lost #good #opponent #channel #negotiations #Chamakala #SandeepWarrier #Congress
