വടകര: (truevisionnews.com) ചെമ്മരത്തൂരിൽ ഭാര്യയെ വീട്ടിൽകയറി വെട്ടി ക്കൊല്ലാൻ ശ്രമിച്ച സംഭവത്തിൽ പിടിയിലായ ഭർത്താവിന്റെ അറസ്റ്റ് രേഖപ്പെടുത്തി.
പാലയാട്ട് മീത്തൽ അനഘ അശോകിനെ (27) വെട്ടിയ സംഭവത്തിൽ ഭർത്താവ് കാർത്തികപ്പള്ളിയിലെ ചെക്കി യോട്ടിൽ ഷനൂപിനെ (37) വെള്ളിയാഴ്ച തന്നെ പിടികൂടിയിരുന്നു.
വടകര ഒന്നാംക്ലാസ് ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കിയ ഇയാളെ 14 ദിവസത്തേക്ക് റിമാൻഡ് ചെയ്തു.
വധശ്രമം ഉൾപ്പെടെയുള്ള വകുപ്പുകൾ ചേർത്താണ് കേസെടുത്തിരിക്കുന്നത്. അക്രമം തടയുന്നതിനിടെ അനഘയുടെ അമ്മമ്മ മാതുവിനും പരിക്കേറ്റു. വെട്ടേറ്റ അനഘ വടകര സ്വകാര്യ ആശുപത്രിയിൽ ചികിത്സയിലാണ്.
അനഘയെ ചെമ്മരത്തൂരിലെ സ്വന്തം വീട്ടിൽ വെച്ചാണ് ഭർത്താവ് ഷാനൂബ് ആക്രമിച്ചത്. വകവരുത്തുമെന്ന് ചൂണ്ടിക്കാട്ടി ഭർത്താവ് പലർക്കും ഓഡിയോ സന്ദേശം അയച്ചിരുന്നെന്ന് അനഘ പറഞ്ഞു.
വൈകിട്ട് ഇയാൾ കത്തിയും കൊടുവാളുമായെത്തി അക്രമം നടത്തുകയായിരുന്നു.
#Incident #attempted #murder #wife #Vadakara #Accused #remand
