(truevisionnews.com) രണ്ടു വശത്തും ചാഞ്ഞു നില്ക്കുന്ന തേക്കിൻ ചില്ലകൾ. അതിനു ഒത്ത നടുവിൽ നീണ്ടുകിടക്കുന്ന നിലമ്പൂർ ഊട്ടി റോഡ് .മഴക്കാലത്ത് ആ റൂട്ടിലൂടെയുള്ള യാത്ര ഒന്ന് അനുഭവിക്കേണ്ടതു തന്നെയാണ് .
ഇരുചക്ര വാഹനത്തിലാണ് യാത്രയെങ്കിൽ പറഞ്ഞറിയിക്കാൻ പറ്റാത്ത ഭംഗിയാണ്. ബസ്സിൽ ആണ് യാത്ര ചെയ്യുന്നത് എങ്കിൽ തീർച്ചയായും നിങ്ങൾ സൈഡ് സീറ്റ് തിരഞ്ഞെടുക്കുക .ആ യാത്ര അനുഭവിച്ചു തന്നെ അറിയുക .
പറഞ്ഞു വരുന്നത് നിലമ്പൂർ തേക്ക് മ്യൂസിയത്തെക്കുള്ള യാത്രയെ കുറിച്ചാണ് .
ലോകത്തിലെ ഏറ്റവും ആദ്യത്തെ തെക്ക് മ്യൂസിയമാണ് നിലമ്പുർ തെക്ക് മ്യൂസിയം .ലോകത്തു തന്നെ ഏറ്റവും പഴക്കം ചെന്ന തേക്ക് മ്യൂസിയവും ഇതു തന്നെയാണ് .
ലോക പൈതൃക പട്ടികയിൽ ഇടം നേടിയ ഈ തോട്ടത്തിനു 5.675 ഏക്കർ വിസ്തൃതിയുണ്ട്. ലോകത്തിലെ തന്നെ ഏറ്റവും ആദ്യത്തെ മനുഷ്യനിർമ്മിത തേക്കുതോട്ടം എന്ന സവിശേഷതയും നിലമ്പൂർ തേക്കുതോട്ടത്തിന്റെ പേരിലാണ് .
ബ്രിട്ടീഷ് ഭരണകാലത്ത് തേക്ക് തടിയുടെ ക്ഷാമം പരിഹരിക്കുന്നതിനായി അന്നത്തെ കലക്ടർ എച്ച്.വി കനോലിയുടെ നിർദ്ദേശപ്രകാരം ഫോറസ്റ്റ് കൺസർവേറ്ററായിരുന്ന ചാത്തുമേനോൻ 1846-ൽ ഡോക്ടർ റെഗ്‌സ് ബർഗ്ഗിന്റെ സഹായത്തോടെയാണ് ഈ തേക്കുതോട്ടം നിർമ്മിച്ചത് .
നിലമ്പൂർ ടൗണിൽ നിന്നും ഊട്ടി റോഡിലൂടെ 4 കിലോമീറ്റർ സഞ്ചരിച്ചാൽ ഇവിടെയെത്താം.ടിക്കറ്റ് എടുത്തു വേണം മ്യൂസിയത്തിലേക്ക് പ്രവേശിക്കാൻ .
പ്ലാസ്റ്റിക്മുതലായ വസ്തുക്കൾ അകത്തേക്കു പ്രവേശിപ്പിക്കില്ല .അതിനാൽ അത് ഒഴിവാക്കുക .അകത്തു പ്രവേശിച്ചു കഴിഞ്ഞാൽ തേക്കിൻറെ ലോകത്തായിരിക്കും പിന്നെ നമ്മൾ .
ഏറ്റവും വലിയ തേക്കും ,ഏറ്റവും പഴക്കം ചെന്ന തേക്കും തേക്ക് കൊണ്ട് നിർമിച്ചിട്ടുള്ള പലതരം ഫർണിച്ചറുകളും നമുക്ക് കാണാം .
തേക്കിനെ കുറിച്ച് വലിയ അറിവ് തന്നെ നമുക്കു അവിടെ നിന്നും ഉണ്ടാക്കി എടുക്കാൻ സാധിക്കും .മ്യൂസിയത്തിൽ നിന്നും പുറത്തു കടന്നാൽ പലതരത്തിലുള്ള പൂക്കളും മരങ്ങളും നമുക്ക് അവിടെ കാണാൻ സാധിക്കും .
പല നിറത്തിലും പല ചേലിലുമുള്ള പൂമ്പാറ്റകളും നമുക്ക് നല്ല മനോഹര കാഴ്ചയൊരുക്കും .
തേക്ക് മ്യൂസിയത്തിൽ നിന്നും അൽപ്പം ദൂരെയാണ് കനോലി പ്ലോട്ട് .അതിനാൽ തന്നെ അങ്ങോട്ടേയ്ക്ക് പോവാൻ നമ്മൾ വേറെ ടിക്കറ്റ് എടുക്കേണ്ടതുണ്ട്.
ചാലിയാർ പുഴ കടന്നു വേണം അങ്ങോട്ട് പ്രവേശിക്കാൻ .അതിനാൽ തന്നെ അവിടെയ്ക്ക് ബോട്ടിങ് സ്വകാര്യവും ഉണ്ട് . നമ്മെ ഏറെ ആശ്ചര്യപ്പെടുത്തുന്ന ആകാശത്തോളം വലുപ്പമുള്ള തേക്കുകളാണ് അവിടത്തെ പ്രത്യേകത .
ഒരാൾ മറഞ്ഞു നിന്നാൽ ഇപ്പുറത്തും നിൽക്കുന്ന ഒരാൾക്കു കാണാൻ കഴിയാത്ത തരത്തിലുള്ള വണ്ണമാണ് ഓരോ തേക്കിനും .തേക്കിന് മാത്രമായുള്ള ആ ലോകം അമ്പരപ്പോടെ നമ്മുക്ക് യഥേഷ്ടം കണ്ടു നടക്കാം .
#Teak #museum #trip #land #teak #that #crosses #the #sea
.jpg)
