(truevisionnews.com) മാല പിടിച്ചുപറിക്കാൻ ശ്രമിക്കുന്നതിനിടെ നിലത്തുവീണ യുവതിയെ മീറ്ററുകളോളം റോഡിലൂടെ വലിച്ചിഴച്ച് മോഷ്ടാക്കൾ. തമിഴ്നാട്ടിലെ മധുരയിൽ ഞായറാഴ്ചയായിരുന്നു സംഭവം.
പന്തടി സ്വദേശികളായ മഞ്ജുള, ദ്വാരകനാഥ് എന്നീ ദമ്പതികൾ ദീപാവലി ഷോപ്പിങ് നടത്തുന്നതിനിടെയായിരുന്നു സംഭവം.
ഇവർ റോഡരികിൽ ബൈക്ക് നിർത്തിയിട്ടപ്പോൾ പിറകിൽ ബൈക്കിൽ നിന്നെത്തിയ യുവാക്കളാണ് മഞ്ജുളയുടെ കഴുത്തിലുണ്ടായിരുന്ന മാല തട്ടിപ്പറിക്കാൻ ശ്രമിച്ചത്.
മാല പിടിച്ചുവലിച്ചെങ്കിലും ഇത് പൊട്ടാതിരുന്നതോടെ മഞ്ജുള നിലത്തുവീണു. ഇതോടെ അമിതവേഗത്തിൽ നീങ്ങിയ ബൈക്കിനുപിന്നാലെ മഞ്ജുളയെയും വലിച്ചിഴച്ചുകൊണ്ടുപോവുകയായിരുന്നു.
മീറ്ററുകളോളം യുവതിയെ വലിച്ചിഴച്ചുകൊണ്ടുപോകുന്നതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്.
അല്പനേരത്തിനുശേഷം മാല പൊട്ടിയതോടെ ഇതിന്റെ ഒരുഭാഗം മോഷ്ടാക്കൾ കൈക്കലാക്കി. സംഭവത്തിൽ പോലീസ് കേസ് രജിസ്റ്റർ ചെയ്ത് അന്വേഷണം തുടങ്ങിയിട്ടുണ്ട്.
#youngwoman #dragged #bike #several #meters #Cruelty #trying #grab #necklace
_(8).jpeg)
