ഭോപ്പാല്‍: (truevisionnews.com) രോഗിയായ അമ്മയെ സന്തോഷിപ്പിക്കാൻ പോലീസ് എസ്പിയുടെ വേഷംകെട്ടിയ തൊഴിൽരഹിതയായ യുവതി പിടയിൽ.
28-കാരിയായ ശിവാനി ചൗഹാനാണ് പോലീസിന്റെ പിടിയിലായത്. യുവതി പോലീസ് യൂണിഫോം ധരിച്ച് നടക്കുന്നതിൽ പന്തികേടു തോന്നിയതോടെയാണ് ഇവരെ പോലീസ് ചോദ്യംചെയ്തത്.
വൈകീട്ട് ആറുമണിക്ക് നഗരത്തിലെ പുതിയ മാര്‍ക്കറ്റ് പരിസരത്ത് നടക്കുകയായിരുന്ന യുവതിയെ പോലീസ് സംശയാസ്പദമായ രീതിയില്‍ കണ്ടെത്തുകയായിരുന്നു.
യൂണിഫോമിലെ പൊരുത്തക്കേടുകള്‍ ശ്രദ്ധയില്‍പെട്ട കോണ്‍സ്റ്റബിള്‍ ടിടി പോലീസ് സ്‌റ്റേഷനിലേക്ക് വിളിച്ച് യുവതിയെ സംബന്ധിച്ച വിവരം അറിയിച്ചു
തുടര്‍ന്ന് പോലീസ് പിടികൂടി ചോദ്യംചെയ്തതോടെയാണ് രോഗിയായ അമ്മയെ സന്തോഷിപ്പിക്കാന്‍ തനിക്ക് പോലീസ് സേനയില്‍ ജോലികിട്ടിതായി അഭിനയിച്ചതാണെന്ന് യുവതി വെളിപ്പെടുത്തിയത്.
തുടര്‍ന്ന് ഭാരതീയ ന്യായ സംഹിതയുടെ 205-ാം വകുപ്പ് പ്രകാരം യുവതിക്കെതിരെ കേസ് രജിസ്റ്റര്‍ ചെയ്തു.
#Young #woman #disguises #herself #SP #cheerup #her #sick #mother #Caught #police
