ചണ്ഡീഗഡ്: (truevisionnews.com) ബസ് തോട്ടിലേക്ക് മറിഞ്ഞ് അപകടം. രണ്ട് കുട്ടികൾക്കും ബസ് ഡ്രൈവർക്കും പരിക്ക് .
ഹരിയാനയിലെ പഞ്ച്കുള ജില്ലയിലാണ് 45 വിദ്യാർത്ഥികളുമായി പോയ ബസ് മറിഞ്ഞത് . ഡ്രൈവർക്ക് വാഹനത്തിൻ്റെ നിയന്ത്രണം നഷ്ടപ്പെട്ട് തോട്ടിലേക്ക് മറിയുകയായിരുന്നു.
വിവരമറിഞ്ഞ് പൊലീസും ഫയർഫോഴ്‌സ് ഉദ്യോഗസ്ഥരും സ്ഥലത്തെത്തിയാണ് രക്ഷാപ്രവർത്തനം നടത്തിയത്. അപകടത്തിൽ ബസ് ഡ്രൈവർക്കും രണ്ട് വിദ്യാർത്ഥികൾക്കും പരിക്കേറ്റെങ്കിലും ബാക്കിയുള്ള കുട്ടികൾ സുഖമായിരിക്കുന്നതായി പൊലീസ് അറിയിച്ചിട്ടുണ്ട്.
എല്ലാ സ്കൂൾ കുട്ടികളെയും രക്ഷപ്പെടുത്തി പഞ്ച്കുള സെക്ടർ-6 ലെ ആശുപത്രിയിൽ പ്രവേശിപ്പിച്ചു. ബസ് തോട്ടിലേയ്ക്ക് മറിയുന്നതിന്റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിക്കുന്നുണ്ട്.
തോട്ടിലേയ്ക്ക് മറിയുമ്പോൾ വിദ്യാർത്ഥികളിൽ ചില‍ർ ബസിനുള്ളിൽ നിന്ന് പുറത്തേയ്ക്ക് തെറിച്ച് വീഴുന്നതും ദൃശ്യങ്ങളിലുണ്ട്.
#bus #overturned #ditch #accident #occurred #Two #children #bus #driver #injured #accident.
.jpeg)
