#theft | സ​ർ​ക്കാ​ർ സ്കൂ​ളി​ൽ നി​ന്ന് പ​ട്ടാ​പ്പ​ക​ൽ ഉ​ൾ​പ്പെ​ടെ പ​തി​വാ​യി മോ​ഷ​ണം, പ്ര​തി പിടിയിൽ

കു​ന്നം​കു​ളം: (truevisionnews.com) ഗ​വ. സ്കൂ​ളി​ൽ നി​ന്ന് പ​ട്ടാ​പ്പ​ക​ൽ ഉ​ൾ​പ്പെ​ടെ പ​തി​വാ​യി മോ​ഷ​ണം ന​ട​ത്തി​യി​രു​ന്ന പ്ര​തി പിടിയിൽ . ​ പ്ര​ധാ​നാ​ധ്യാ​പി​ക ത​ന്നെയാണ് പ്രതിയെ ക​ണ്ടെ​ത്തിയത് .നി​രീ​ക്ഷ​ണ​ത്തി​നൊ​ടു​വി​ൽ അ​ധ്യാ​പി​ക ക​ണ്ടെ​ത്തി​യ പ്ര​തി​യെ ന​ഗ​ര​സ​ഭ കൗ​ൺ​സി​ല​ർ​മാ​ർ കൈ​യോ​ടെ പി​ടി​കൂ​ടി പൊ​ലീ​സി​ൽ ഏ​ൽ​പ്പി​ച്ചു.

Also read: #KozhikodeRevenueDistrictKalolsavam2024 | കിരീടം ചൂടി കോഴിക്കോട് സിറ്റി; സ്കൂൾ തലത്തിൽ മേമുണ്ട ഒന്നാമത്, സിൽവർ ഹിൽസ് രണ്ടാം സ്ഥാനത്ത്

ബോ​യ്സ് സ്കൂ​ളി​ലും ഹ​യ​ർ സെ​ക്ക​ൻ​ഡ​റി സ്കൂ​ളി​ലും നി​ർ​മാ​ണ പ്ര​വൃ​ത്തി​ക​ൾ ന​ട​ക്കു​ന്ന കെ​ട്ടി​ട​ങ്ങ​ളി​ൽ നി​ന്നു​മാ​യി സ്റ്റീ​ൽ ടാ​പ്പു​ക​ളും ഇ​രു​മ്പ് സാ​ധ​ന​ങ്ങ​ളും മോ​ഷ്ടി​ച്ചി​രു​ന്ന ക​ള്ള​നെ​യാ​ണ് ആ​ഴ്ച​ക​ൾ​ക്ക് ശേ​ഷം പ്ര​ധാ​നാ​ധ്യാ​പി​ക ത​ന്നെ വ​ല​യി​ലാ​ക്കി​യ​ത്.

നി​ര​വ​ധി മോ​ഷ​ണ കേ​സു​ക​ളി​ൽ പ്ര​തി​യാ​യ വ​ട​ക്കാ​ഞ്ചേ​രി മു​ള്ളൂ​ർ​ക്ക​ര പ​ടി​ഞ്ഞാ​റേ​തി​ൽ സ​ന്തോ​ഷി​നെ​യാ​ണ് (37) കു​ന്നം​കു​ളം പൊ​ലീ​സ് അ​റ​സ്റ്റ് ചെ​യ്ത​ത്.

Also read: #MDMA | 82 ഗ്രാം എംഡിഎംഎയുമായി മൂന്ന് യുവാക്കള്‍ അറസ്റ്റിൽ

മൂ​ന്നു ദി​വ​സം മു​മ്പ് പ്ര​തി​യെ പി​ടി​കൂ​ടി​യെ​ങ്കി​ലും അ​പ​സ്മാ​ര രോ​ഗം ക​ണ്ട​തോ​ടെ പൊ​ലീ​സ് നി​രീ​ക്ഷ​ണ​ത്തി​ൽ പ്ര​തി തൃ​ശൂ​ർ മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ക്കി.

പ​ട്ടാ​പ്പ​ക​ൽ മോ​ഷ​ണം ന​ട​ത്തി​യി​രു​ന്ന പ്ര​തി​യു​ടെ സി.​സി.​ടി.​വി ദൃ​ശ്യ​ങ്ങ​ൾ മാ​ധ്യ​മ​ങ്ങ​ളി​ൽ നേ​ര​ത്തെ വ​ന്നി​രു​ന്നു. ഇ​ത് സം​ബ​ന്ധി​ച്ച് പൊ​ലീ​സ് കേ​സെ​ടു​ത്ത് അ​ന്വേ​ഷ​ണം ന​ട​ത്തി​യി​രു​ന്നു​വെ​ങ്കി​ലും ഒ​രു മാ​സ​ത്തി​ല​ധി​ക​മാ​യി​ട്ടും പ്ര​തി​യെ പി​ടി​കൂ​ടാ​ൻ ക​ഴി​ഞ്ഞി​ല്ല.

Also read: #kseb | പുതിയ വൈദ്യുതി കണക്ഷൻ ഉൾപ്പെടെയുള്ള അപേക്ഷകൾ ഓണ്‍ലൈനിൽ മാത്രം, അറിയിപ്പുമായി കെഎസ്ഇബി

ഇ​ത് പ്ര​ദേ​ശ​ത്ത് വ​ലി​യ ആ​ക്ഷേ​പ​മു​യ​ർ​ത്തി. ഇ​തി​നി​ടെ ക​ഴി​ഞ്ഞ ദി​വ​സം സ്കൂ​ൾ വി​ട്ട് വീ​ട്ടി​ലേ​ക്ക് സ്കൂ​ട്ട​റി​ൽ പോ​യ പ്ര​ധാ​നാ​ധ്യാ​പി​ക കു​ന്നം​കു​ളം ബീ​വ​റേ​ജ് ഷോ​പ്പി​ന് മു​ന്നി​ൽ നി​ൽ​ക്കു​ന്ന പ്ര​തി​യെ തി​രി​ച്ച​റി​ഞ്ഞു.

തു​ട​ർ​ന്ന് സ​മീ​പ​ത്തെ വ​ർ​ക്ക് ഷോ​പ്പി​ലെ തൊ​ഴി​ലാ​ളി​ക​ളോ​ടും ഇ​ക്കാ​ര്യം അ​ധ്യാ​പി​ക ധ​രി​പ്പി​ച്ചു. നി​രീ​ക്ഷ​ണ​ത്തി​നി​ടെ ഇ​യാ​ൾ കൈ​വ​ശ​മു​ള്ള ചാ​ക്കു​മാ​യി ന​ട​ന്ന് പ​ഴ​യ ബ​സ് സ്റ്റാ​ൻ​ഡ് പ​രി​സ​ര​ത്ത് എ​ത്തി. ഈ ​സ​മ​യ​ത്തൊ​ക്കെ​യും അ​ധ്യാ​പി​ക ഇ​യാ​ളെ പി​ൻ​തു​ട​ർ​ന്നു.

Also read: #narendramodi | 'നല്ല ഭരണത്തിന്റെയും വികസനത്തിന്റെയും വിജയമാണ് മഹാരാഷ്ട്രയിൽ ഉണ്ടായത്' - നരേന്ദ്രമോദി

ഈ ​സ​മ​യം സ​മീ​പ​ത്തു​ണ്ടാ​യി​രു​ന്ന ന​ഗ​ര​സ​ഭ കൗ​ൺ​സി​ല​ർ​മാ​രാ​യ ലെ​ബീ​ബ് ഹ​സ​ൻ, വി​നു എ​ന്നി​വ​രോ​ട് സം​ഭ​വം പ​റ​യു​ക​യും പ്ര​തി​യെ പി​ടി​കൂ​ടു​ക​യും ചെ​യ്തു.

ഇ​യാ​ളു​ടെ കൈ​വ​ശ​മു​ണ്ടാ​യി​രു​ന്ന ചാ​ക്കി​ൽ നി​ന്ന് സ്ക്രൂ ​ഡ്രൈ​വ​റ​ട​ക്ക​മു​ള്ള മോ​ഷ​ണ ഉ​പ​ക​ര​ണ​ങ്ങ​ൾ പൊ​ലീ​സ് ക​ണ്ടെ​ടു​ത്തു. പ​ഴ​യ​ന്നൂ​ർ, ചെ​റു​തി​രു​ത്തി സ്റ്റേ​ഷ​നു​ക​ൾ ഉ​ൾ​പ്പെ​ടെ ഇ​യാ​ൾ​ക്കെ​തി​രെ വി​വി​ധ മോ​ഷ​ണ കേ​സു​ക​ൾ ഉ​ണ്ട്.

#Repeated #theft #from #government #school #including #Pattapkal #accused #arrested