താമരശ്ശേരി ( കോഴിക്കോട് ) : ( www.truevisionnews.com ) എകരൂലിൽ ബസിടിച്ച് സ്കൂട്ടർ യാത്രക്കാരൻ മരിച്ചു. താമരശ്ശേരിയിലെ സ്വകാര്യ സ്ഥാപനത്തിൽ സെക്യൂരിറ്റി ജീവനക്കാരനായ കരുമല കുനിയിൽ എൻ.വി ബിജുവാണ് (48) മരിച്ചത്.
ഇന്നലെ വൈകീട്ട് ആറു മണിയോടെയായിരുന്നു അപകടം. കൊയിലാണ്ടി ഭാഗത്തേക്ക് വരികയായിരുന്ന സ്വകാര്യ ബസ് ബിജു സഞ്ചരിച്ച സ്ക്കൂട്ടറിൽ ഇടിക്കുകയായിരുന്നു.
ഗുരുതരമായി പരിക്കേറ്റ ബിജുവിനെ ബാലുശ്ശേരി ഗവ. താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ് മോർട്ടത്തിനായി കോഴിക്കോട് മെഡിക്കൽ കോളജിലേക്ക് മാറ്റി.
മുമ്പ് പ്രവാസിയായിരുന്ന ബിജു ഇപ്പോൾ താമരശ്ശേരിയിലെ ഒരു സ്വകാര്യ സ്ഥാപനത്തിൽ സെക്യുരിറ്റി ജീവനക്കാരനായി ജോലി ചെയ്തുവരികയായിരുന്നു.
പിതാവ്: പരേതനായ ബാലൻ. മാതാവ്: പരേതയായ ലീല. ഭാര്യ: ഷിജി. മക്കൾ: ദൃശ്യ, ദിയ. സഹോദരി: ബീന (പട്ടർപാലം).
#passenger #died #after #being #hit #scooter #private #bus #Thamarassery