തിരുവനന്തപുരം: (truevisionnews.com) സിപിഐഎം ജനറല്‍ സെക്രട്ടറി സീതാറാം യെച്ചൂരിയുടെ വിയോഗത്തില്‍ അനുശോചനം രേഖപ്പെടുത്തി മുന്‍ മന്ത്രിയും സിപിഐഎം മുതിര്‍ന്ന നേതാവുമായ എ കെ ബാലന്‍.
സീതാറാം യെച്ചൂരിയുടെ വിയോഗം അവിശ്വസനീയമെന്ന് എ കെ ബാലന്‍ പ്രതികരിച്ചു. മതനിരപേക്ഷതയുടെ മുഖമായിരുന്നു സീതാറാം യെച്ചൂരി.
ദീര്‍ഘനാള്‍ അദ്ദേഹത്തോടൊപ്പം പ്രവര്‍ത്തിക്കാന്‍ തനിക്ക് സാധിച്ചു. അദ്ദേഹത്തിന്റെ വിയോഗം വ്യക്തപരമായി ഏറെ വേദനിപ്പിക്കുന്നതാണ്.
മാർക്സിസ്റ്റ് സൈദ്ധാന്തികൻ എന്ന നിലയില്‍ യെച്ചൂരിയുടെ സംഭാവനകള്‍ ചരിത്രത്തിന്റെ ഭാഗമാണെന്നും എ കെ ബാലന്‍ കൂട്ടിച്ചേര്‍ത്തു.
ഡൽഹിയിലെ എയിംസ് ആശുപത്രിയിൽ വെച്ചായിരുന്നു അന്ത്യം. 72 വയസ്സായിരുന്നു. ദിവസങ്ങളായി ന്യുമോണിയ ബാധിതനായി ചികിത്സയിലായിരുന്നു യെച്ചൂരി.
#AKBalan #condoled #demise #SitaramYechury.
