ന്യൂമാഹി: ( www.truevisionnews.com ) മാഹി ബൈപാസ് റോഡിലൂടെ അമിത വേഗതയിലെത്തിയ കാർ മറ്റൊരു കാറിലിടിച്ച് തലകീഴായി മറിഞ്ഞു.
അപകടത്തിൽ ചൊക്ലി സ്വദേശിയായ യുവാവിന് പരിക്കേറ്റു. കോടിയേരി പപ്പൻപീടിക ഭാഗത്താണ് അപകടം നടന്നത്. കണ്ണൂർ ഭാഗത്തേക്ക് പോവുകയായിരുന്ന ഫോക്സ് വാഗൻ പോളോ കാറാണ് അപകടമുണ്ടാക്കിയത്.
അമിത വേഗതയിൽ എത്തിയ പോളോ കാർ ഒരേദിശയിൽ മുന്നിൽ സഞ്ചരിക്കുകയായിരുന്ന മറ്റൊരു കാറിലിടിച്ച് ഇടിയുടെ ആഘാതത്തിൽ മൂന്ന് തവണ തലകീഴായി മറിഞ്ഞ് ഡിവൈഡറിൽ ഇടിച്ചു നിൽക്കുകയായിരുന്നു.
ഷോറൂമിൽ നിന്ന് ഡെലിവറിക്കായി കൊണ്ടു പോവുകയായിരുന്ന വാഗണർ കാറിലുണ്ടായിരുന്ന യുവാവിനാണ് പരിക്കേറ്റത്.
ഈ കാറിന്റെ പിറകുവശത്തെ ടയറിന്റെ ഭാഗം പൂർണമായും തകർന്നു. രണ്ടു വാഹനങ്ങളും ന്യൂമാഹി പൊലീസ് സ്റ്റേഷനിലേക്ക് മാറ്റി.
#Road #accident #Thalassery #Mahi #bypass #out #of #control #car #hit #another #car #overturned
.jpg)
