പത്തനംതിട്ട: ( www.truevisionnews.com )വയനാട് മുണ്ടക്കൈയിലുണ്ടായ ഉരുൾപൊട്ടൽ ദുരന്തത്തിലെ ദുരിതബാധിതർക്കായി ഉളനാട് ശ്രീകൃഷ്ണ സ്വാമി ക്ഷേത്രത്തിൽ പ്രാർത്ഥന നടത്തി. ദുരിതത്തിൽ മരിച്ചവർക്ക് അന്ത്യാഞ്ജലിയും അർപ്പിച്ചു.
ആയിരക്കണക്കിന് ഭക്തരാണ് പ്രാർത്ഥന ചടങ്ങിൽ പങ്കെടുത്തത്. കഴിഞ്ഞ ദിവസം രാവിലെ മഹാസുദർശന ലക്ഷ്യപ്രാപ്തി പൂജ ചടങ്ങ് ആരംഭിക്കുന്നതിന് മുമ്പായാണ് ആയിരക്കണക്കിന് ഭക്തർ പ്രത്യേക പ്രാർത്ഥന നടത്തിയത്.
കൂടാതെ ദുരിതബാധിതർക്കായി ക്ഷേത്രത്തിലെ മാനവസേവാനിധിയായ 'കൃഷ്ണ ഹസ്തം 'സഹായ നിധിയിൽ നിന്ന് സഹായം നൽകുമെന്നും പ്രസിഡന്റ് ഉളനാട് ഹരികുമാർ ,സെക്രട്ടറി വി ആർ അജിത്കുമാർ, ഖജാൻജി കെ എൻ അനിൽകുമാർ എന്നിവർ പറഞ്ഞു.
ദുരിതമേഖലയിലേക്ക് സഹായ ഹസ്തവുമായി നിരവധി പേരാണ് രംഗത്തെത്തുന്നത്. അതേസമയം ക്യാമ്പുകളിലേക്ക് നിത്യോപയോഗ സാധനങ്ങളും മറ്റ് അവശ്യവസ്തുക്കളുമായി പത്തനംതിട്ടയിൽ നിന്ന് വാഹനം പുറപ്പെട്ടിട്ടു. വാഹനം പ്രമാടം ഇൻഡോർ സ്റ്റേഡിയത്തിൽ ജില്ലാ പഞ്ചായത്ത് പ്രസിഡന്റ് രാജി പി രാജപ്പൻ ഫ്ലാഗ് ഓഫ് ചെയ്തു.
ഉരുള്‍പൊട്ടലില്‍ നാശനഷ്ടം സംഭവിച്ചവർക്കും വീട് നഷ്ടപ്പെട്ടവർക്കും സഹായവുമായി പ്രവാസി സംഘടന ഇൻകാസ് യുഎഇ രംഗത്തെത്തിയിട്ടുണ്ട്. 10 വീടുകളും ആദ്യ ഗഡു ധനസഹായവുമായി 5,00,000 രൂപയും നൽകാനാണ് തീരുമാനിച്ചിരിക്കുന്നത്.
#mundakai #landslide #thousands #devotees #offered #special #prayers #temple #victims
.jpeg)
.jpg)
