കണ്ണൂർ: ( www.truevisionnews.com ) വയനാട് മുണ്ടക്കൈയിലെ ദുരന്തഭൂമിയിൽനിന്നും ഉള്ളുലയ്ക്കുന്ന കാഴ്ചകളും വാർത്തകളുമാണ് ഓരോ നിമിഷവും പുറത്തുവരുന്നത്. ഒരു രാത്രി ഉറങ്ങാൻ കിടന്ന പിഞ്ചുകുഞ്ഞുങ്ങളടക്കമുള്ളവരാണ് നേരം പുലരുന്നതിന് മുൻപ് മണ്ണിനടിയിലകപ്പെട്ടത്.
ദുരന്തം തുടച്ചുനീക്കിയ ചൂരൽമലയും മുണ്ടക്കൈയും കേരളത്തിൻ്റെ നൊമ്പരമായി. മനുഷ്യമനസ്സാക്ഷിയെ പിടിച്ചുകുലുക്കിയ ദുരന്തത്തിൻ്റെ ഉരുൾപൊട്ടൽ ദുരന്ത ദുരന്തത്തിന്റെ പശ്ചാത്തലത്തിൽ ഹൃദയം തൊടുന്ന ഒരു ഡയറിക്കുറിപ്പ് എഴുതിയിരിക്കുകയാണ് കണ്ണൂർ ജില്ലയിലെ മുയ്യം എയുപി സ്കൂ‌ളിലെ രണ്ടാം ക്ലാസ് വിദ്യാർത്ഥിനി അദിതി.
അദിതി എഴുതിയ ഡയറിക്കുറിപ്പിന്റെ ചിത്രം മുയ്യം സ്കൂ‌ളിന്റെ ഔദ്യോഗിക ഇൻസ്റ്റഗ്രാം പേജിൽ പങ്കുവെച്ചിട്ടുണ്ട്. 'ഇന്ന് സ്കൂൾ ലീവായിരുന്നു. ഉച്ചയ്ക്ക് അമ്മ ടിവി വെച്ചപ്പോളാണ് ഞാൻ വാർത്ത കണ്ടത്.
വയനാട്ടിലെ മേപ്പാടി എന്ന സ്ഥലത്ത് ഉരുൾപൊട്ടൽ ഉണ്ടായി. ആ നാട് മുഴുവൻ വെള്ളത്തിനടിയിലായി. ഒരുപാട് ആളുകൾ മരിച്ചു. കുറേ പേരെ കാണാതായി. കുറേ വീടുകൾ പൊട്ടിപ്പോയി. ടിവിയിൽ ആളുകൾ കരയുന്നു. ദൈവം എന്താ ആരെയും രക്ഷിക്കാത്തെ?', ദുരന്തം നടന്ന ജൂലൈ 30ൽ അദിതി എഴുതിയ ഡയറി ഇങ്ങനെയാണ്.
രണ്ടാം ക്ലാസിലെ അദിതിയുടെ ഡയറിയിൽ നിന്നും, കരുതലിൻ്റെ തലമുറ ഇനിയും കേരളത്തിൽ ഉണ്ട്, എന്നും എക്കാലവും. ഇഷ്‌ടം, സ്നേഹം. എന്ന ക്യാപ്ഷനോടെയാണ് ഇൻസ്റ്റഗ്രാമിൽ ഡയറിക്കുറിപ്പ് പോസ്റ്റ് ചെയ്തിരിക്കുന്നത്.
ഡയറിക്കുറിപ്പിനുതാഴെ ദുരന്തത്തിൻ്റെ നേർക്കാഴ്‌ചയെന്നോണം ഒരു കൊച്ചുചിത്രവും അദിതി വരച്ചുവെച്ചിട്ടുണ്ട്. ഉരുൾപൊട്ടി കല്ലും മരവും ഇടിഞ്ഞുവീഴുന്നതും വീടുതകരുന്നതും മണ്ണിനടിയിൽ കിടക്കുന്ന മനുഷ്യരെയുമെല്ലാം കുഞ്ഞ് അദിതി ഡയറിയിൽ വരച്ചുവെച്ചിട്ടുണ്ട്.
അതേസമയം മുണ്ടക്കൈ ദുരന്തത്തിൽ മരിച്ചവരുടെ എണ്ണം 255 ആയി. ചാലിയാറിൽ നിന്ന് മാത്രം ഇതുവരെ കിട്ടിയത് 72 മൃതദേഹങ്ങൾ. മരണസംഖ്യ ഇനിയും ഉയരാൻ സാധ്യത. 240 പേരെ ഇനിയും കണ്ടെത്താനായില്ല. 195 പേർ ചികിത്സയിലുണ്ട്. 147 മൃതദേഹങ്ങൾ പോസ്റ്റ്മോർട്ടം ചെയ്തു. 52 മൃതദേഹാവശിഷ്‌ടങ്ങൾ ലഭിച്ചതിൽ 42 എണ്ണവും പോസ്റ്റ്മോർട്ടം ചെയ്തു. 75 മൃതദേഹങ്ങൾ ബന്ധുക്കൾക്ക് വിട്ടു നൽകിയിട്ടുണ്ട്.
#heart #touching #diary #written #second #class #girl #about #wayanad #landslides
.jpg)
.jpg)
.jpeg)
.jpeg)
