തലശ്ശേരി : (truevisionnews.com) ശക്തമായ കാറ്റിൽ തലശ്ശേരിയിലും സമീപപ്രദേശങ്ങളിലും വ്യാപക നാശനഷ്ടം . പൊന്ന്യം കുണ്ടുചിറയിൽ തെങ്ങ് കടപുഴകി വീണ് ഓട്ടോറിക്ഷ തകർന്നു.
പി.ശ്രീധരന്റെ കെ.എൽ. 58-എ. 6474 നമ്പർ ഓട്ടോയാണ് തകർന്നത്. പലയിടങ്ങളിലും മരം പൊട്ടി വീണ് വീടുകൾക്ക് കേടുപാടുകൾ സംഭവിച്ചു.
തിരുവങ്ങാട് സ്കൂൾ പറമ്പിലെ തേക്ക് മരം തൊട്ടടുത്ത പറമ്പിലെ വീടിന് മുകളിലേക്കും, കൊളശ്ശേരി കോമത്ത് പാറാൽ പള്ളിക്ക് സമീപമുള്ള മരം തൊട്ടടുത്ത റുഖിയാ മൻസിലിന് മുകളിലേക്കുമാണ് വീണത്.
രണ്ട് വീടുകൾക്കും കേടുപാടുകൾ സംഭവിച്ചു. ശനിയാഴ്ച പുലർച്ചെ വീശിയടിച്ച ശക്തമായ കാറ്റിൽ വ്യാപക നാശനഷ്ടമാണ് ഉണ്ടാക്കിയത് .
#Cyclone #Thalassery #tree #fell #top #houses #autorickshaw #crushed #falling #coconut
.jpeg)
