വടകര : (truevisionnews.com) കാറിടിച്ച് ബൈക്ക് യാത്രക്കാരന് ഗുരുതരമായി പരിക്കേറ്റ കേസിൽ യുവാവിന് 47,09,200 രൂപ നഷ്ടപരിഹാരം നൽകാൻ വിധി.
കോഴിക്കോട് ഉണ്ണികുളം എകരൂൽ തയ്യുള്ളതിൽ ഭരത് ദാസിന്റെ മകൻ കെ. സിബിന്‌ (36) പരിക്കേറ്റ കേസിലാണ് വടകര എം.എ.സി.ടി. ജഡ്ജി പി. പ്രദീപ് നഷ്ടപരിഹാരം നൽകാൻ വിധിച്ചത്.
യുണൈറ്റഡ് ഇൻഷുറൻസ് കമ്പനിയാണ് നഷ്ടപരിഹാരം നൽകേണ്ടത്. 2021 ജനുവരി 17-നാണ് കേസിനാസ്പദമായ സംഭവം.
പനങ്ങാട് പി.സി. മുക്കിൽവെച്ച് സിബിൻ സഞ്ചരിച്ച ബൈക്കിൽ എതിരേവന്ന കാറിടിച്ചാണ് അപകടം. അപകടത്തിൽ ഇലക്‌ട്രീഷ്യനായ സിബിന്റെ ഒരു കാൽ മുറിച്ചുമാറ്റിയിരുന്നു.
#47 #lakhs #paid #youth #injured #car #accident
