(www.truevisionnews.com)യുവ നടിയും അഭിനയത്രിയായിരുന്ന നടി ശ്രീദേവിയുടെ മകളുമായ ജാൻവി കപൂർ ബോളിവുഡ് താര സുന്ദരിമാരിൽ ശ്രദ്ധേയയാണ്.
2018 ൽ പുറത്തിറങ്ങിയ ദഡാക്ക് എന്ന ഹിന്ദി സിനിമയിലൂടെയാണ് ജാൻവി കപൂർ സിനിമ കലാരംഗത്തേക്കുള്ള അരങ്ങേറ്റം കുറിക്കുന്നത്. ഗുഞ്ചൻ സക്സേന എന്ന ചിത്രത്തിലൂടെയാണ് ജാൻവി ആരാധകരുടെ ഇടയിൽ കൂടുതൽ ശ്രദ്ധ പിടിച്ചു പറ്റുന്നത്.
താരത്തിന്റെ വിവിധ മോഡലുകളിലുള്ള പുതിയ ലുക്കുകൾ സാമൂഹ്യ മാധ്യമങ്ങളിൽ ജനങ്ങൾ ഉടൻ തന്നെ ഏറ്റെടുക്കാറുണ്ട്.
വ്യത്യസ്ത ഔട്‍ഫിറ്റുകളിലെത്തി ജാൻവി പലപ്പോഴും ഫാഷൻ ലോകത്തെ ഞെട്ടിച്ചിട്ടുണ്ട്. ഇപ്പോൾ ബോഡി കോൺ ഗൗൺ ധരിച്ചുള്ള ജാൻവിയുടെ പുതിയ ലുക്ക് ആണ് പ്രേക്ഷകർ ഏറ്റെടുത്തിരിക്കുന്നത്.
ഫാഷൻ ബ്രാൻഡ് ആയ റാച്ചൽ ഗിൽബെർട്ടിന്റെ ഡ്രസ്സ് കളക്ഷനിൽ നിന്നുള്ള ഗൗൺ ആണ് ജാൻവി ധരിച്ചിരുന്നത്. 275235 രൂപയാണ് ജാൻവിയുടെ ഔട്ഫിറ്റിന്റെ വില.
ഗൗണിലുള്ള നേരിയ സ്ട്രാപ്പുകൾ,ബോഡി കൊൺ ഫിറ്റിങ് ,സ്വീറ്റ് ഹാർട് നെക്‌ലൈൻ ,വിവിധ കളറിലുള്ള ഫ്ലോറൽ വർക്കുകളുമാണ് ആരാധകരെ ആകർഷിക്കുന്നത്.
മിനി മേക്കപ്പും ഹൈഹീൽസുമായിരുന്നു ജാൻവി തിരഞ്ഞെടുത്തിരുന്നത്. കഴിഞ്ഞ ദിവസം പാരീസ് ഫാഷൻ വീക്കിന്റെ റാമ്പ് വാക്കിലും താരം ചുവടുവെച്ചിരുന്നതും സമൂഹ മാധ്യമങ്ങളിൽ ആരാധകർ ഏറ്റെടുത്തിരുന്നു.
#Star #beauty #Janhvi #Kapoor #shines #bodycon #gown
