ഹൈദരാബാദ്: (truevisionnews.com) മദ്യപിച്ച് ലക്കുകെട്ട സോഫ്റ്റ്വെയർ എൻജിനീയർ ഓടിച്ച കാർ ഇടിച്ച് ഒരാൾ കൊല്ലപ്പെടുകയും എട്ടുപേർക്ക് ഗുരുതര പരിക്കേൽക്കുകയും ചെയ്തു.
തിങ്കളാഴ്ച അർദ്ധരാത്രി ഹൈദരാബാദിലായിരുന്നു സംഭവം. മദ്യലഹരിയിലായിരുന്ന 30 കാരനായ സോഫ്റ്റ്വെയർ എഞ്ചിനീയർ ആറ് അപകടങ്ങൾ ഉണ്ടാക്കിയെന്ന് പൊലീസ് പറഞ്ഞു.
ഹൈദരാബാദിലെ പ്രഗതി നഗറിൽ താമസിക്കുന്ന പി ക്രാന്തി കുമാറാണ് മദ്യപിച്ച് വാഹനമോടിച്ചത്. സംഭവത്തിൽ ക്രാന്തി കുമാറിനെ പോലീസ് അറസ്റ്റ് ചെയ്യുകയും കേസെടുക്കുകയും ചെയ്തു.
അപകടത്തിൽ ഒരു കാറും ഒരു ഓട്ടോയും മൂന്ന് ബൈക്കുകളും തകർന്നതായി പൊലീസ് പറഞ്ഞു. ഐകെഇഎ മുതൽ റായ്ദുർഗത്തിലെ കാമിനേനി ഹോസ്പിറ്റൽ റോഡ് വരെയുള്ള ഭാഗത്ത് പുലർച്ചെ 12:30 നും 1:30 നും ഇടയിലാണ് അപകടങ്ങൾ ഉണ്ടായത്.
അജ്ഞാതനായ ഒരാൾ സംഭവസ്ഥലത്ത് തന്നെ മരിച്ചതായി പൊലീസ് പറഞ്ഞു. കൂടുതൽ അന്വേഷണം നടന്നുവരികയാണ്.
#Drunken #software #engineer; #Six #vehicles #collided, #killing #one #injuring #eight
