കൽപ്പറ്റ: (truevisionnews.com) വയനാട് ലോക്സഭ മണ്ഡലം എൻഡിഎ സ്ഥാനാർഥി കെ.സുരേന്ദ്രൻ ദുഖവെള്ളിദിനത്തിൽ താമരശ്ശേരി ചുരത്തിലൂടെ വിശ്വാസികൾ നടത്തുന്ന കുരിശിന്റെ വഴി തീർത്ഥാടനയാത്രയിൽ പങ്കാളിയായി.
അടിവാരത്തു നിന്നും ഫാദർ തോമസ് പി. തുണ്ടത്തിലിൽ നിന്നും അനുഗ്രഹങ്ങൾ ഏറ്റുവാങ്ങിയാണ് ആയിരക്കണക്കിന് വിശ്വസിക്കൾക്കൊപ്പം അദ്ദേഹം കുരിശുമല ചവിട്ടിയത്.
ഏറെ സ്നേഹാദരങ്ങളോടെയാണ് തീർത്ഥാടകരും പുരോഹിതന്മാരും സ്ഥാനാർത്ഥി കെ.സുരേന്ദ്രനെ സ്വീകരിച്ചത്.
മലയോര മേഖലയിൽ ഒട്ടനവധി പ്രയാസങ്ങൾ നിലനിൽക്കുന്ന സാഹചര്യങ്ങൾ കണക്കിലെടുത്ത് ഈ മേഖലയിലെ പ്രദേശവാസികൾക്ക് പ്രത്യേക പരിഗണന ഉറപ്പു വരുത്താൻ ശ്രമിക്കുമെന്ന് അദ്ദേഹം പറഞ്ഞു.
മലയോര മേഖലയിലെ കർഷകർ നേരിടുന്ന ഏറ്റവും വലിയ പ്രയാസങ്ങളിലൊന്നായ വന്യജീവി ആക്രമണത്തിനെതിരെ ശക്തമായ നിയമനിർമ്മാണങ്ങൾ ഉൾപ്പെടെ നടത്തുന്നതിനായി പ്രയത്നിക്കുമെന്നും സുരേന്ദ്രൻ ഉറപ്പുനൽകി.
ദുഖവെള്ളി ദിനത്തിൽ എൻഡിഎ സ്ഥാനാർത്ഥി കെ.സുരേന്ദ്രൻ അടിവാരത്ത് കുരിശിന്റെ വഴി തീർത്ഥാടനയാത്രയിൽ പങ്കെടുക്കുന്നതിൻ്റെ വിഷ്യൽസ്
https://drive.google.com/file/d/1bmky0iRtgfT6UZNnbjzsqNRFcM5gt32x/view
#KSurendran #participated #journey #cross