തിരുവനന്തപുരം: (truevisionnews.com) പ്രായപൂർത്തിയാകാത്ത പെൺകുട്ടിയെ കടത്തിക്കൊണ്ടുപോയി ദേഹോപദ്രവം ഏൽപിച്ച സംഭവത്തിൽ യുവാവിനെ പൊലീസ് പിടികൂടി. മൈലക്കര ചരിഞ്ഞാൻകോണം പുലിക്കുഴി മേലെ പുത്തൻവീട്ടിൽ ശ്രീരാജ് (21) നെയാണ് പിടികൂടിയത്.
സ്കൂൾ വിദ്യാർഥിയായ പെൺകുട്ടിയെ കാണാനില്ലെന്ന പരാതിയിൽ തുടർന്ന അന്വേഷണമാണ് പോക്സോ കേസിൽ അവസാനിച്ചത്.പെൺകുട്ടിക്കായി കേരളത്തിലും തമിഴ്നാട്ടിലും പൊലീസ് അരിച്ചുപെറുക്കിയെങ്കിലും കണ്ടെത്താനായില്ല.
ഒടുവിൽ യുവാവിനൊപ്പം കണ്ടെത്തുകയായിരുന്നു. പെൺകുട്ടിയോട് വിവരങ്ങൾ ചോദിച്ചു മനസ്സിലാക്കിയ പൊലീസ് പെൺകുട്ടിയെ ദേഹോപദ്രവം ഏൽപ്പിച്ചിട്ടുണ്ടെന്ന് മനസിലാക്കിയശേഷം വൈദ്യപരിശോധന നടത്തിയ ശേഷമാണ് യുവാവിനെ അറസ്റ്റ് ചെയ്തത്.
സർക്കിൾ ഇൻസ്പെക്ടർ ബാബുക്കുറുപ്പ്, എസ്.ഐ സജിത്ത് ജി. നായർ, സിവിൽ പൊലീസുകാരായ പ്രദീപ്, ഷിബ, ദീപു, പ്രഭുല്ലചന്ദ്രൻ എന്നിവരുടെ സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിമാന്റ് ചെയ്തു.
#minorgirl #abducted #youth #arrested