വടക്കാഞ്ചേരി (തൃശൂർ): (truevisionnews.com) കിരാലൂരിൽ യുവാവിനെ സംഘം ചേർന്ന് വധിക്കാൻ ശ്രമിച്ച കേസിൽ രണ്ട് പ്രതികൾ അറസ്റ്റിൽ. കിരാലൂർ ചിരിയങ്കണ്ടത്ത് ബാബു (53), മകൻ രാഹുൽ (22) എന്നിവരാണ് പിടിയിലായത്.
കിരാലൂർ ചീരൻ വീട്ടിൽ ജോയ്സണെ(31)യാണ് പ്രതികൾ ആക്രമിച്ചത്. ഞായറാഴ്ച വൈകീട്ടായിരുന്നു സംഭവം.
മാർഗതടസമായി വഴിയിൽ നിർത്തിയ ബൈക്ക് മാറ്റാൻ ജോയ്സൺ ആവശ്യപ്പെട്ടതിനെ തുടർന്നുള്ള വാക്കേറ്റമാണ് ആക്രമണത്തിൽ കലാശിച്ചത്.
സംഘം ചേർന്ന് മരവടികൾ ഉപയോഗിച്ചായിരുന്നു മർദ്ദനം. പരിക്കേറ്റ ജോയ്സൺ മെഡിക്കൽ കോളേജ് ആശുപത്രിയിൽ ചികിത്സയിലാണ് എരുമപ്പെട്ടി എസ്.ഐ യു.മഹേഷിൻ്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്.
കേസിലെ മറ്റുപ്രതികൾ ഒളിവിലാണ്. പ്രതികൾ വധശ്രമം ഉൾപ്പടെ നിരവധി ക്രിമിനൽ കേസുകളിൽ നേരത്തെ ഉൾപ്പെട്ടിട്ടുള്ളവരാണ്.
എ.എസ്.ഐ എ.വി.സജീവ്, സി.പി.ഒമാരായ കെ.സഗുൺ, രാഹുൽദാസ്, ജിനോ സെബാസ്റ്റ്യൻ എന്നിവരും സംഘത്തിലുണ്ടായിരുന്നു.
#Attempt #youth #gang: #Father #son #arrested #case