(truevisionnews.com) ചില ഭക്ഷണ കോമ്പിനേഷനുകൾ ആരോഗ്യത്തിന് നല്ലതാണെങ്കിൽ, ചിലത് വയറിന് പണി തരും. അത്തരത്തിലൊന്നാണ് പാലിനൊപ്പം വാഴപ്പഴം കഴിക്കുന്നത്. നമ്മുക്ക് അറിയാം നിരവധി ആരോഗ്യ ഗുണങ്ങൾ അടങ്ങിയ ഒരു ഫലമാണ് വാഴപ്പഴം.
ശരീരത്തിന് വേണ്ട വിറ്റാമിനുകൾ, പൊട്ടാസ്യം, കാത്സ്യം, മഗ്നീഷ്യം, ഫോളേറ്റ്, ഫൈബർ തുടങ്ങി പല ഘടകങ്ങൾ കൊണ്ടും സമ്പുഷ്ടമാണ് ബനാന. എന്നാൽ പാലിനൊപ്പം വാഴപ്പഴം കഴിക്കുന്നത് ചിലരിൽ ദഹന പ്രശ്നങ്ങൾ ഉണ്ടാക്കാം. അതിനാൽ അത്തരക്കാർ ഈ കോമ്പിനേഷൻ ഒഴിവാക്കുന്നതാണ് നല്ലത്.
രാവിലെ വെറുംവയറ്റിലും വാഴപ്പഴം കഴിക്കുന്നത് ദഹനസംബന്ധമായ പ്രശ്നങ്ങൾ ഉണ്ടാകാനിടയുണ്ട്. ഉച്ചയ്ക്ക് ചോറിനൊപ്പം പഴങ്ങൾ കഴിക്കുന്നതും നല്ലൊരു ഓപ്ഷനല്ല. കാരണം പഴങ്ങൾ വേഗത്തിൽ ദഹനപ്രക്രിയയിലൂടെ കടന്നുപോകുന്നു. എന്നാൽ നിങ്ങളുടെ ഹെവി മീൽസ് ദഹിക്കാൻ സമയമെടുക്കും.
ഇതു മൂലം വയർ വീർത്തിരിക്കാനും മറ്റ് ദഹന പ്രശ്നങ്ങൾ ഉണ്ടാകാനും കാരണമാകും. തൈരിനൊപ്പം മത്സ്യം കഴിക്കുന്നതും നല്ലൊരു കോമ്പിനേഷനല്ല. മത്സ്യത്തിൽ പ്രോട്ടീൻ ധാരാളമായി അടങ്ങിയിട്ടുണ്ട്. തൈര് പെട്ടെന്ന് ദഹിക്കുന്നവയുമാണ്. അതിനാൽ മത്സ്യം തൈരുമായി ചേരുമ്പോൾ, ഇത് നിങ്ങളുടെ ദഹനവ്യവസ്ഥയെ ബാധിക്കാം. അതിനാൽ ഈ കോമ്പിനേഷനും ഒഴിവാക്കുക.
#you #eat #bananas #milk #you #know #things