ഇരവിപുരം: (truevisionnews.com) യുവാവിനെ കൊലപ്പെടുത്താൻ ശ്രമിച്ച അഞ്ചംഗ സംഘം പിടിയിൽ. ഇരവിപുരം സ്വദേശികളായ രതീഷ് (42), സ്റ്റെർവിൻ (29), മാർക്കോസ് (42), എബിൻ (38), സിജിൻ എന്നിവരാണ് അറസ്റ്റിലായത്.
ഇരവിപുരത്തുള്ള ബാറിന്റെ കോമ്പൗണ്ടിൽവെച്ച് രതീഷും സ്റ്റെർവിനും ശ്യാമുമായി വാക്കുതർക്കമുണ്ടാകുകയും വിവരം പൊലീസിൽ വിളിച്ചറിയിച്ചതിലുള്ള വിരോധത്താൽ പ്രതികൾ ഇയാളുടെ വീട്ടിൽ അന്വേഷിച്ച് ചെല്ലുകയും ചെയ്തു.
പുത്തനഴികത്ത് വെച്ച് ശ്യാമിനെയും സുഹൃത്തിനേയും കണ്ട സംഘം തടഞ്ഞുനിർത്തി മർദിക്കുകയായിരുന്നു.
തുടർന്ന്, ശ്യാം പൊലീസിൽ നൽകിയ പരാതിയുടെ അടിസ്ഥാനത്തിലാണ് അറസ്റ്റ്.
ഇരവിപുരം പൊലീസ് ഇൻസ്പെക്ടർ വി. ഷിബുവിന്റെ നേതൃത്വത്തിൽ എസ്.ഐമാരായ വിഷ്ണു, സക്കീർ, എ.എസ്.ഐ നൗഷാദ്, സി.പി.ഒമാരായ അനീഷ്, സുമേഷ്, മനോജ്, വൈശാഖ് എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.
#Gang #five #arrested #case #trying #kill #youth
![](https://tvn.zdn.im/img/truevisionnews.com/0/assets/images/truevision-whatsapp.jpeg)