#trinjourney | യാത്രക്കാർക്ക് ശ്വാസം മുട്ടുന്നു; ദുരിതമായി മലബാറിലെ തീവണ്ടി യാത്ര

#trinjourney | യാത്രക്കാർക്ക് ശ്വാസം മുട്ടുന്നു; ദുരിതമായി മലബാറിലെ തീവണ്ടി യാത്ര
Oct 25, 2023 07:55 PM | By Priyaprakasan

(truevisionnews.com) വാഗൺ ട്രാജഡിക്ക് സമാനമായ അനുഭവമായി മലബാറിലെ ജനറൽ കോച്ചുകളിലെ തീവണ്ടിയാത്ര. മലബാറും, പരശുറാമും ഉൾപ്പെടയുള്ള വണ്ടികളിൽ തിരക്കിൽ ശ്വാസംമുട്ടി യാത്രക്കാർ കുഴഞ്ഞുവീഴുന്നത് ഇപ്പോൾ പതിവാണ്.

കഴിഞ്ഞ രണ്ടുദിവസവും വൈകുന്നേരത്തെ പരശുറാമിൽ തിരക്ക് താങ്ങാനാവതെ ഒരു വിദ്യാർത്ഥിയടക്കം രണ്ടുപേർ കുഴഞ്ഞുവീണിരുന്നു.

വന്ദേഭാരത് ട്രെയിനിനായി മറ്റു ട്രെയിനുകൾ പിടിച്ചിടുന്നതും സമയക്രമീകരണം പാളിയതിനാൽ യുദ്ധമുറികളായി തീവണ്ടികൾ മാറിയെന്നും ജനറൽ കംപാർട്ടുമെന്റുകളിൽ സൂചികുത്താനിടമില്ലതെ ജനങ്ങൾ നട്ടം തിരിയുന്ന കാഴ്ച്ചകൾ . ജനറൽ കോച്ചുകൾ വെട്ടിക്കുറച്ചതോടെ കോഴിക്കോട് - മംഗളൂരു യാത്ര അക്ഷരാർത്ഥത്തിൽ ദുരിതമാണ്.

കയറാൻ പറ്റുന്നതിന്റെ അഞ്ചിരട്ടിയിലധികം യാത്രക്കാരാണ് രാവിലത്തെയും വൈകിട്ടത്തെയും ട്രെയിനിൽ ഉള്ളത്. ഗുസ്തി പിടിച്ചും ആൾക്കാരെ ചവിട്ടിയൊതുക്കിയും മാത്രമെ കംപാർട്ടുമെന്റിൽ കയറാനാകൂ.

ട്രെയിൻ സമയം അൽപം മുന്നോട്ടോ പിറകോട്ടോ മാറ്റിയാൽ ഈ അവസ്ഥ മാറ്റാമെന്നാണ് യാത്രക്കാർ പറയുന്നത്. നാഗർകോവിലിൽ നിന്നും വരുന്ന പരശുറാം എക്സ്പ്രസ് വൈകിട്ട് നാലിന് കോഴിക്കോട്ടെത്തി അഞ്ചിനാണ് മംഗളൂരുവിലേക്ക് പുറപ്പെടുന്നത്.

ഈ പിടിച്ചിടൽ ഒഴിവാക്കിയാൽ തലസ്ഥാനത്തുനിന്നും വരുന്ന രോഗികൾ അടക്കമുള്ളവർക്ക് ആശ്വാസമാകും. ആരോഗ്യമുള്ളവർ ട്രെയിനിലേക്ക് ഇടിച്ചുകയറിയപ്പോൾ അതിനു സാധിക്കാത്തവർ വീണ്ടും അടുത്ത ട്രെയിനുള്ള കാത്തിരിപ്പു തുടരുന്നു.

രാവിലെയും വൈകിട്ടും കോഴിക്കോടിനും മംഗളൂരുവിനും ഇടയിലെ യാത്ര ജോലിയെക്കാൾ‍ കൂടുതൽ സമ്മർദമാണ്. കയ്യിലെ ബാഗ് നഷ്ടപ്പെടാതിരുന്നാൽ ഭാഗ്യം.

സ്ത്രീകളുടെ കാര്യമാണു കൂടുതൽ കഷ്ടം. ഡബിൾ ഷിഫ്റ്റാണ് പലരെയും കാത്തിരിക്കുന്നത്. വീട്ടിലെത്തിയാൽ തുടങ്ങുകയായി വീട്ടുജോലികളുടെ നൈറ്റ് ഷിഫ്റ്റ്. ഇടിച്ചുകുത്തി യാത്രചെയ്യുന്ന യാത്രക്കാർ തിരക്കിൽ നിന്നു തലനീട്ടിയാണ് ശ്വാസമെടുക്കുന്നത്.

യാത്രയിൽ ഓക്സിജൻ സിലിണ്ടറും കൂടെ കരുതേണ്ടി വരുന്ന സമാനമായ അവസ്ഥ. ദീർഘദൂരവണ്ടികൾക്കായി പിടിച്ചിട്ടു തുടങ്ങിയതോടെ ശ്വാസംകിട്ടാതെ പല സ്റ്റേഷനുകളിലും കാത്തുകിടക്കേണ്ട ഗതികേടിലാണ് മറ്റു വണ്ടികളിലെ യാത്രക്കാർ. പ്രശ്നങ്ങൾക്ക് അറുതി വരുത്താൻ ഷൊർണൂർ-കാസർഗോഡ് പാതയിൽ പുതുതായി ഒരു വണ്ടി വേണം എന്ന ആവശ്യം ശക്തമാണ്.

കൂടുതൽ ജനറൽ കോച്ചുള്ള ഒരു ട്രെയിനെങ്കിലും തിരക്കുള്ള സമയത്ത് മലബാറിൽ എത്തുന്ന രീതിയിൽ ഷൊർണൂർ മംഗളൂരു മെമു വന്നാൽ ആശ്വാസമാകും.

വൈകിട്ട് അഞ്ചരക്ക് ശേഷം കോഴിക്കോട് വിട്ടാൽ ഗുണം ചെയ്യും. പ്രശ്നപരിഹാരം ഇല്ലാത്തതിൽ യാത്രക്കാർ പലയിടങ്ങളിലും 'ദുരിത യാത്ര' എന്നെഴുതിയ ബാഡ്ജ് ധരിച്ച് യാത്ര ചെയ്ത് പ്രതിഷേധിക്കുകയാണ്.

ജനറൽ കോച്ചുകൾ കൂട്ടിയാലേ തിരക്ക് ഒരുപരിധി വരെ കുറക്കാനാകൂ. അഞ്ചുവർഷം മുമ്പ് പരശുറാമിലെ കൊച്ചുകൾ കുറച്ചതിനെതിരെ കോടതിയിൽ പരാതി വന്നിരുന്നു. അന്ന് 22 കോച്ചുകൾ വച്ച് പരാതി പരിഹരിച്ചു.

പിന്നീടിത് 21 ആക്കി. നാഗർകോവിലിൽ പ്ലാറ്റ് ഫോം സൗകര്യമില്ലാ എന്നു പറഞ്ഞാണിത്. നിലവിൽ ബാക്കുവാൻ ഉൾപ്പെടെ 21 കോച്ചണുള്ളത്. ജനറൽ കംപാർട്ടുമെന്റുകളിൽ പലപ്പോഴും വാതിൽപ്പടിയിൽ തൂങ്ങിനിന്നാണ് യാത്ര.

വായുസഞ്ചാരംപോലും തടസ്സപ്പെടുന്ന യാത്രയാണിത്. യാത്രക്കാർ ബോധരഹിതരാകുന്നത് പതിവ് കാഴ്ചയായി മാറി. എന്നിട്ടും റെയിൽവേ അധികാരികൾ കണ്ടിട്ടില്ല. യാത്രക്കാരെ കഠിന ദുരിതത്തിലാക്കി നീങ്ങുകയാണ് ട്രെയിനുകൾ.

ഇതിനൊരു പരിഹാരം വേണ്ടേയെന്ന ചോദ്യമാണ് എങ്ങും ഉയരുന്നത്. സർക്കാരും ജനപ്രതിനിധികളും ഉണർന്നു പ്രവർത്തിച്ചില്ലെങ്കിൽ ദുരിത ചൂളംവിളിച്ച് ട്രെയിനുകൾ യാത്രക്കാരുടെ ഓരോ ദിവസത്തെയും അലോസരപ്പെടുത്തിക്കൊണ്ടിരിക്കും.

#passengers #short #breath #miserable #train #journey #malabar

Next TV

Related Stories
#shafiparambhil| ഷാഫിയുടെ ജയം; ഉറപ്പിക്കാനുള്ള യുഡിഎഫ് കാരണങ്ങൾ

May 30, 2024 01:02 PM

#shafiparambhil| ഷാഫിയുടെ ജയം; ഉറപ്പിക്കാനുള്ള യുഡിഎഫ് കാരണങ്ങൾ

എന്താണ് ഈ ഉറപ്പിൻ്റെ കാരണം ? ഘടകങ്ങൾ...

Read More >>
#WorldNurseDay | രോഗിക്ക് തണലായി നിൽക്കുന്നവരെ മറക്കാതിരിക്കുക: ഇന്ന് ലോക നഴ്സ് ദിനം

May 12, 2024 08:47 AM

#WorldNurseDay | രോഗിക്ക് തണലായി നിൽക്കുന്നവരെ മറക്കാതിരിക്കുക: ഇന്ന് ലോക നഴ്സ് ദിനം

പ്രതികൂല സാഹചര്യങ്ങളിലും രോഗിക്ക് തണലായി നിൽക്കുന്നവരെ മറക്കാതിരിക്കുക എന്നതാണ് ഓരോ നഴ്സസ് ദിനവും...

Read More >>
#Sexualharassment | രേ​​വ​​ണ്ണയെയും ബ്രി​​ജ്ഭൂ​​ഷ​​ന്മാ​​രെയും സംരക്ഷിക്കുന്നതാര്

May 6, 2024 03:12 PM

#Sexualharassment | രേ​​വ​​ണ്ണയെയും ബ്രി​​ജ്ഭൂ​​ഷ​​ന്മാ​​രെയും സംരക്ഷിക്കുന്നതാര്

എത്ര വലിയ സംരക്ഷണ വലയമാണ് അയാള്‍ക്ക് വേണ്ടി ഒരുങ്ങിയത്. ഫെഡറേഷന്റെ തലപ്പത്ത് നിന്ന് ബി ജെ പി. എം പിയെ നീക്കണമെന്നാവശ്യപ്പെട്ട് ഗുസ്തി താരങ്ങള്‍...

Read More >>
#LokSabhaElection2024 | രാജ്യം വേണോ? വേണം നന്മയുടെ, നേരിൻ്റെ പക്ഷം

Apr 24, 2024 08:46 AM

#LokSabhaElection2024 | രാജ്യം വേണോ? വേണം നന്മയുടെ, നേരിൻ്റെ പക്ഷം

വിവരണാതീതമായ ത്യാഗസഹനങ്ങളിലൂടെ പൂർവീകർ പൊരുതിനേടിയ പൗരാവകാശങ്ങളാണ് നാമിന്ന്...

Read More >>
#ElectionCampaign | തെരഞ്ഞെടുപ്പ് പ്രചാരണ രംഗത്തെ വ്യക്തിഹത്യയും അപവാദ പ്രചാരണങ്ങളും

Apr 18, 2024 11:51 AM

#ElectionCampaign | തെരഞ്ഞെടുപ്പ് പ്രചാരണ രംഗത്തെ വ്യക്തിഹത്യയും അപവാദ പ്രചാരണങ്ങളും

ഗുരുതരമായിരിക്കും പലപ്പോഴും ഇതിന്റെ പ്രത്യാഘാതങ്ങള്‍. മുന്‍ തെരഞ്ഞെടുപ്പ് കാലങ്ങളെക്കാള്‍ കൂടുതലാണ് ഇത്തവണ വ്യക്തിഹത്യ. അവയെ ഫലപ്രദമായി...

Read More >>
#EidalFitr | ഈദുൽ ഫിത്ത്വർ ഒരു സ്നേഹ സന്ദേശം

Apr 9, 2024 10:05 PM

#EidalFitr | ഈദുൽ ഫിത്ത്വർ ഒരു സ്നേഹ സന്ദേശം

കുടുംബ വീടുകളിൽ സന്ദർശനം നടത്തി, സമ്മാനങ്ങൾ നൽകി,പുതുവസ്ത്രം ധരിച്ച്,സ്വാദിഷ്ടമായ ആഹാരം കഴിച്ച്,സുഗന്ധം പൂശി സന്തോഷാനുഗ്രാത്താൽ നാം...

Read More >>
Top Stories