---
title: "#oommenchandy | ജനജീവിതത്തിൽ ഇഴുകിച്ചേർന്ന വ്യക്തിയായിരുന്നു ഉമ്മൻചാണ്ടി -പിണറായി വിജയൻ "
english_title: "#oommenchandy #former #keralacm #passed #away #pinarayvijayan"
publisher: "truevisionnews.com"
canonical_url: "https://truevisionnews.com/news/131292/oommenchandy-former-keralacm-passed-away-pinarayvijayan"
published_at: "2023-07-18T06:47:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/64b5e870df6cd_pinaray.jpg"
keywords: []
---

# #oommenchandy | ജനജീവിതത്തിൽ ഇഴുകിച്ചേർന്ന വ്യക്തിയായിരുന്നു ഉമ്മൻചാണ്ടി -പിണറായി വിജയൻ 

> **Lead Summary:** **തിരുവനന്തപുരം: ** മുൻ മുഖ്യമന്ത്രി ഉമ്മൻചാണ്ടിയുടെ വിയോഗത്തിൽ മുഖ്യമന്ത്രി പിണറായി വിജയൻ അഗാധമായ ദുഃഖം രേഖപ്പെടുത്തി. ‘ഒരേ വർഷമാണ് തങ്ങൾ ഇരുവരും നിയമസഭയിൽ എത്തിയത്. ഒരേ ഘട്ടത്തിലാണ് വിദ്യാർത്ഥി ജീവിതത്തിലൂടെ രാഷ്ട്രീയ രംഗത്തെത്തിയത്.

## Article Content

**തിരുവനന്തപുരം: ** മുൻ മുഖ്യമന്ത്രി ഉമ്മൻചാണ്ടിയുടെ വിയോഗത്തിൽ മുഖ്യമന്ത്രി പിണറായി വിജയൻ അഗാധമായ ദുഃഖം രേഖപ്പെടുത്തി. ‘ഒരേ വർഷമാണ് തങ്ങൾ ഇരുവരും നിയമസഭയിൽ എത്തിയത്. ഒരേ ഘട്ടത്തിലാണ് വിദ്യാർത്ഥി ജീവിതത്തിലൂടെ രാഷ്ട്രീയ രംഗത്തെത്തിയത്.

പൊതുജീവിതത്തിൽ ഒരേ കാലത്ത് സഞ്ചരിച്ച അദ്ദേഹത്തിന്റെ വിട പറയൽ അതീവ ദുഃഖകരമാണ്. കഴിവുറ്റ ഭരണാധികാരിയും ജനജീവിതത്തിൽ ഇഴുകിച്ചേർന്നു നിന്ന വ്യക്തിയുമായിരുന്നു ഉമ്മൻചാണ്ടി’ -മുഖ്യമന്ത്രി അനുസ്മരിച്ചു.

ബെം​ഗളൂരുവിൽ ചികിത്സയിലിരിക്കെയാണ് അന്ത്യം. ക്യാൻസർ ബാധിതന‌ായിരുന്നു. മകൻ ചാണ്ടി ഉമ്മനാണ് മരണ വിവരം അറിയിച്ചത്.

2004-06, 2011-16 കാലങ്ങളിൽ കേരളത്തിന്റെ മുഖ്യമന്ത്രിയായി. കാനറാ ബാങ്ക് ഉദ്യോഗസ്ഥയായിരുന്ന ആലപ്പുഴ കരുവാറ്റ സ്വദേശി മറിയാമ്മയാണ് ഉമ്മൻ ചാണ്ടിയുടെ ഭാര്യ. മറിയം, അച്ചു ഉമ്മൻ, ചാണ്ടി ഉമ്മൻ എന്നിവർ മക്കളാണ്.

### Related Links & Sources
- [Original Story Source](https://truevisionnews.com/news/131292/oommenchandy-former-keralacm-passed-away-pinarayvijayan)