എറണാകുളം : നടിയെ പീഡിപ്പിച്ച് ദൃശ്യങ്ങള്‍ പകര്‍ത്തിയെന്ന കേസില്‍ സര്‍ക്കാര്‍ അതിജീവിതയ്‌ക്കൊപ്പമെന്ന് മുഖ്യമന്ത്രി പിണറായി വിജയന്‍. കേസില്‍ നീതി ഉറപ്പാക്കും. കേസ് കൃത്യമായി മുന്നോട്ടു പോകണമെന്ന നിലപാടാണ് സര്‍ക്കാരിന്റേത്.
ഉത്രയ്ക്കും വിസ്മയയ്ക്കും ജിഷയ്ക്കും ലഭിച്ച നീതി അതിജീവിതയായ നടിക്കും ലഭിക്കുമെന്ന് മുഖ്യമന്ത്രി പറഞ്ഞു. തൃക്കാക്കരയില്‍ ഇടത് മുന്നണിയുടെ തെരഞ്ഞെടുപ്പ് കണ്‍വെന്‍ഷനില്‍ സംസാരിക്കുകയായിരുന്നു അദ്ദേഹം.
യുഡിഎഫ് സര്‍ക്കാര്‍ ആയിരുന്നെങ്കില്‍ കുറ്റാരോപിതന്‍ നെഞ്ച് വിരിച്ച് നടന്നേനെ. സ്ത്രീ സുരക്ഷക്ക് സര്‍ക്കാര്‍ പ്രതിജ്ഞാബദ്ധമാണെന്നും അതുതന്നെയാണ് സര്‍ക്കാരിന്റെ നിലപാട്.
വിസ്മയ കേസില്‍ ഫലപ്രദമായ അന്വേഷണവും ഇടപെടലും നടത്തിയിരുന്നു കേസ് കോടതിയില്‍ തെളിയിക്കാനായത് ഫലപ്രദമായ അന്വേഷണത്തിലൂടെയാണെന്നും എല്ലാം കേസുകളിലും സര്‍ക്കാര്‍ നിലപാട് ഇതുതന്നെയാണ് അതിനൊരു ഉദാഹരണമാണ് ഉത്ര കേസ് എന്നും മുഖ്യമന്ത്രി വ്യക്തമാക്കി.
Case of assault on actress; CM says government is with survival
