നാദാപുരം: (truevisionnews.com) അമ്മയുടെ കൈയ്യിലിരുന്ന കുഞ്ഞിന്റെ കഴുത്തില്‍നിന്ന് സ്വർണമാല മോഷ്ടിച്ച യുവതിക്കായി വലവിരിച്ച് നാദാപുരം പൊലീസ് . സി സി ടി വി കേന്ദ്രീകരിച്ചാണ് അന്വേഷണം നടത്തുന്നത് . 35 - 40 വയസ്സ് പ്രായം തോന്നിപ്പിക്കുന്ന യുവതിയാണ് മോഷണം നടത്തിയത് .
കഴിഞ്ഞ ദിവസം നാദാപുരം ബസ് സ്റ്റാന്റിലെ ബുക്ക് സ്റ്റാളിലെത്തിയ ചാലപ്പുറം സ്വദേശിയായ യുവതിയുടെ കുട്ടിയുടെ ഒരു പവന്‍ തൂക്കം വരുന്ന മാലയാണ് മോഷ്ടിക്കപ്പെട്ടത്. നീല ചുരിദാറും വെള്ള ഷാളും ധരിച്ച യുവതി അമ്മയുടെ പിന്നാലെ നടന്ന് ചുറ്റിലും നോക്കിയ ശേഷം കുട്ടിയുടെ കഴുത്തിലെ സ്വര്‍ണമാല അതിവിദഗ്ദമായി പൊട്ടിക്കുകയായിരുന്നു .
.gif)
യുവതിയുടെ കൈയ്യിലിരുന്ന കുഞ്ഞിന്റെ കഴുത്തിൽനിന്ന് മാല മോഷ്ടിക്കുന്നതിന്‍റെ സിസി ടിവി ദൃശ്യങ്ങൾ പുറത്തുവന്നിട്ടുണ്ട്. വൈകിട്ട് അഞ്ചു മണിയോടെ കടയിൽ തിരക്കേറിയ സമയത്താണ് മോഷണമുണ്ടായത് .സംഭവത്തിൽ അന്വേഷണം ഊർജ്ജിതമാണെന്നും പ്രതി ഉടൻ വലയിലാകുമെന്നും നാദാപുരം സി ഐ ശ്യാംരാജ് പറഞ്ഞു .
Theft Nadapuram Nadapuram police investigate suspect Malayali
