പത്തനംതിട്ട: (www.truevisionnews.com) പുനലൂർ-മൂവാറ്റുപുഴ സംസ്ഥാന പാതയിൽ കുമ്പഴ മല്ലശ്ശേരിമുക്കിൽ കാർ നിയന്ത്രണം വിട്ടു മറിഞ്ഞ് നാലുപേർക്ക് പരുക്കേറ്റു.
രണ്ടുപേരുടെ പരുക്ക് ഗുരുതരമാണ്. ഇവരെ പത്തനംതിട്ട ആശുപത്രിയിൽ പ്രവേശിപ്പിച്ചു.
ഉച്ചയ്ക്ക് പന്ത്രണ്ടുമണിയോടെയായിരുന്നു അപകടം. കുമ്പഴ ഭാഗത്ത് നിന്നും വന്ന കാർ മല്ലശ്ശേരിമുക്ക് ഐസ് ഫാക്ടറിക്ക് മുൻഭാഗത്തായി റോഡിലേക്ക് തള്ളി നിൽക്കുന്ന കലുങ്കിലേക്ക് ഇടിച്ചുകയറി കീഴ്‌മേൽ മറിയുകയായിരുന്നു.
സമീപത്തെ ഐസ് ഫാക്ടറിയിലെ ജീവനക്കാരും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്. പരുക്കേറ്റവരിൽ രണ്ടുപേർ സ്ത്രീകളാണ്.
#Accident #Punalur #Moovatupuzha #stateroad #car #lost #control #overturned #Four #people #injured
.jfif)
