പാലക്കാട്: (truevisionnews.com) പാലക്കാട് നിയമസഭാ ഉപതിരഞ്ഞെടുപ്പിൽ വോട്ട് ചെയ്ത് എൻഡിഎ സ്ഥാനാർഥി ഐ കൃഷ്ണകുമാർ.
പാലക്കാടിന്റെ വികസനത്തിനുള്ള വോട്ടാണ് ജനങ്ങൾ ഇപ്രാവശ്യം രേഖപ്പെടുത്തുക എന്നും ചരിത്രപരമായ വിധിയെഴുത്ത് ഇത്തവണ ഉണ്ടാകുമെന്നും വോട്ട് ചെയ്ത ശേഷം കൃഷ്ണകുമാർ മാധ്യമങ്ങളോട് പറഞ്ഞു.
പാലക്കാടിനെ വഞ്ചിച്ചുപോയ ഷാഫി പറമ്പിലിനെതിരായ ജനവിധി കൂടിയാകും ഇന്നത്തേത് എന്നും കൃഷ്ണകുമാർ പറഞ്ഞു.
വയനാട്ടിൽ പോളിങ് കുറഞ്ഞതിന് കാരണവും രാഹുൽ വയനാടിനെ വഞ്ചിച്ചതാണ്. അതുപോലെതന്നെയാണ് പാലക്കാടും അവസ്ഥയെന്ന് കൃഷ്ണകുമാർ പറഞ്ഞു.
കഴിഞ്ഞ തവണ മെട്രോമാൻ ഇ ശ്രീധരൻ പരാജയപ്പെട്ട ചരിത്രവും പാലക്കാടുകാർ തിരുത്തുമെന്നും കൃഷ്ണകുമാർ കൂട്ടിച്ചേർത്തു.
#time #people #vote #development #Palakkad #iKrishnaKumar
